24.11.2024 | 12:19
Ռումինիայում նախագահական ընտրություններ են
Եթե այդ մարդը գլխավոր դատախազությանն է հրահանգներ տալիս, գալու է ժամանակը, երբ ես եմ հրահանգներ տալու. Աղվան Վարդանյան․ ՏԵՍԱՆՅՈՒԹ
Քաղաքականություն
15.06.2023 | 11:51
Այդ մարդիկ պետք է լինեն պատրաստ, վճռական անձնազոհությամբ մինչև վերջ գնալու, որպեսզի այս չարիքից երկիրն ազատենք։ Այս մասին այսօր լրագրողների հետ զրույցում նշեց «Հայաստան» խմբակցության անդամ Աղվան Վարդանյանը՝ պատասխանելով լրագրողների հարցերին և անդրադառնալով քաղաքական մահապարտների մասին իր հայտարարություններին։
«Այդ մարդիկ ամենատարբեր ոլորտների մարդիկ են՝ և՛ քաղաքական գործիչներ, և՛ գործարարներ, և՛ հոգևորականներ, մշակութային գործիչներ, ռազմական գործի մասնագետներ»,- նշեց Վարդանյանը։
Նրա խոսքով՝ այդ մարդկանց առաքելությունը պիտի լինի ազատել հայ ժողովրդին այս իշխանությունից, և այդ մարդկանց հիմնական մասը պետք է լինի վաղվա իշխանությունը, որոնք կփորձեն այս ավերակներից երկիրը դուրս բերել:
«Պիտի մենք կարողանանք պարտադրելով ձևավորել հայկական միևնույն արժեքներով պետական ազգային մտածողության առաջնորդվողների էլիտա․․․
Այդ մարդկանց խնդիրը, ոչ թե մեռնելու գնալն է, այլ այդ մարդիկ պիտի գնան փրկելու և փրկվելու, նպատակը մեռնելը չէ, նպատակը փրկելն ու փրկվելն է»,- ընդգծեց Վարդանյանը՝ հավելելով, որ այդպիսի մարդկանց ավելի քան 200 հոգանոց ցուցակ ունի արդեն, այդ մարդիկ տարբեր ոլորտներից են։
Անդրադառնալով դիտարկմանը, որ երեկ ՀՀ վարչապետ Նիկոլ Փաշինյանը ԱԺ-ում նշել է, որ «Հայաստան» խմբակցության պատգամավոր Աղվան Վարդանյանի` 100 քաղաքական մահապարտների վերաբերյալ հայտարարության հարցով պետք է զբաղվի Գլխավոր դատախազությունը, Վարդանյանը նշեց․ «Քանի որ հանձնարարությունը եղել է Գլխավոր դատախազությանը, ինչ-որ կուզեն, կանեն, ԱՍտված իրենց հետ, բայց ինչո՞ւ ոչ ԱԱԾ-ին հանձնարարական, ինչո՞ւ ոչ Ադրբեջանի, Թուրքիայի Գլխավոր դատախաություններին, ինչո՞ւ ոչ նրանց անվտանգության մարմիններին, որովհետև եթե այս իշխանության առաջին պաշտպանները Էրդողանն ու Ալիևն են, կարող են նաև նրանց դատախազություններին դիմել՝ զբաղվելու իմ հարցով»։
Մանրամասները՝ տեսանյութում։
