25.07.2026 | 15:15
Աթլետիկայի Ռուսաստանի առաջնությունը դադարեցվել է անօդաչու թռչող սարքի հարձակման պատճառով
Վիրավորում է ստացել ՌԴ Պետդումայի պատգամավոր, Կադիրովի մտերիմ Ադամ Դելիմխանովը
Քաղաքականություն
14.06.2023 | 20:38
Չեչնիայից ՌԴ Պետդումայի պատգամավոր Ադամ Դելիմխանովը վիրավորում է ստացել, սակայն «ողջ է»։ Այս մասին «Զվեզդա» հեռուստալիքին (պատկանում է ՌԴ ՊՆ-ին) հայտնել են Պետդումայի մամուլի ծառայությունից, գրում է Meduza-ն։
Պետդումայից, սակայն, չեն հայտնել, թե որտեղ է կոնկրետ վիրավորել Դելիմխանովը և որտեղ է դա տեղի ունեցել։ Նա, ի դեպ, Չեչնիայի ղեկավար Ռամզան Կադիրովի մտերիմն է։
Ավելի վաղ Ուկրաինայի զինված ուժերում կռվող քաղաքագետ Կիրիլ Սազոնովը ֆեյսբուքյան իր էջում հայտնել էր, որ Դելիմխանովի ավտոշարասյունը Զապորոժիեի շրջանում է կրակի տակ է եղել։ Ռամզան Կադիրովն էլ Տելեգրամի իր ալիքում հայտնել է, որ Դելիմխանովը կապի դուրս չի գալիս։
«Խնդրում եմ ուկրաինական հետախուզությանը՝ տեղեկատվություն տրամադրել, թե կոնկրետ որ վայրում և ինչ դիրքերին են հարված հասցվել, որպեսզի ես գտնեմ իմ սիրելի եղբորը։ Խոստանում եմ առատաձեռն պարգև, խնդրում եմ օգնել»,- ասվում է գրառման մեջ։
Պետդումայի պատգամավոր Դմիտրի Կուզնեցովն էլ փոխանցել է Դումայի ղեկավար Վյաչեսլավ Վոլոդինի խոսքերը, որ Դելիմխանովը ողջ է և խոսել է նրա հետ։
Նախօրեին Կադիրովը հայտնել էր, որ Դելիմխանովն իր անունից Բելգորոդի մարզում հանդիպել է նահանգապետ Վյաչեսլավ Գլադկովի, Պաշտպանության նախարարության ներկայացուցիչների և ՌԴ գվարդիայի տարածաշրջանային վարչության ղեկավարության հետ։
Անցյալ տարի նա ղեկավարում էր չեչենական ջոկատները, որոնք մասնակցում էին Մարիուպոլի գրավմանը։
Էմմա Չոբանյան
