16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Հանդիպումը չկայացավ ժամանակացույցի հետ կապված խնդիրներով պայմանավորված․ ԱՄՆ Պետդեպ
Քաղաքականություն
14.06.2023 | 11:04
ԱՄՆ Պետքարտուղարության խոսնակ Մեթյու Միլլերը նախօրեի ճեպազրույցում անդրադարձել է հետաձգված Հայաստան-Ադրբեջան բանակցություններին, որոնք պետք է տեղի ունենային այս շաբաթ Վաշինգտոնում։
«Այն (hետաձգումը) 100 տոկոսով պայմանավորված էր ժամանակացույցի հետ կապված խնդիրներով: Մենք անհամբեր սպասում ենք Վաշինգտոնում բանակցությունների ևս մեկ փուլ ընդունելուն, քանի որ կողմերը շարունակում են խաղաղ երկխոսությունը Հարավային Կովկասի տարածաշրջանի համար: Ինչպես ասել ենք նախկինում, մենք հավատում ենք, որ ուղիղ երկխոսությունը առանցքային է մնացած խնդիրների լուծման համար։ Հանդիպումը, ցավոք, չկայացավ 100 տոկոսով ժամանակացույցի հետ կապված խնդիրների պատճառով, և մենք անհամբեր սպասում ենք, որ այն որքան հնարավոր է շուտ կանցկացվի»,-ասել է Միլլերը:
Հարցին,թե սպասվում է, որ կողմերը այս ամսվա վերջ կայցելեն Վաշինգտոն, ԱՄՆ Պետդեպի խոսնակն ասել է, որ չի պատրաստվում ժամկետ նշել և անհամբեր սպասում են նոր հանդիպման անցկացմանը։
Հիշեցնենք, որ ՀՀ ԱԳՆ-ն ավելի վաղ տեղեկացրել էր, որ ադրբեջանական կողմի խնդրանքով այս շաբաթ Վաշինգտոնում նախատեսվող բանակությունների հերթական փուլը հետաձգվում է:
