25.07.2026 | 13:49
Թրամփը հասկացել է՝ Ռուսաստանը չի ցանկանում ավարտել պատերազմը, իսկ Ուկրաինան խաղաղություն է ուզում․ Զելենսկի
Դոնալդ Թրամփին նոր մեղադրանք է առաջադրվել
Քաղաքականություն
09.06.2023 | 14:18
ԱՄՆ նախկին նախագահ Դոնալդ Թրամփին նոր մեղադրանք է առաջադրվել երկրի ղեկավարի պաշտոնը լքելուց հետո գաղտնի փաստաթղթերի հետ կապված, գրում է Euronews-ը։
Թրամփն սոցիալական ցանցում գրառմամբ հաստատել է, որ Արդարադատության նախարարությունն իր փաստաբաններին տեղեկացրել է նոր մեղադրանքների մասին։ Նրան պարտավորեցրել են հաջորդ երեքշաբթի ներկայանալ Մայամիի դաշնային դատարան:
«Բայդենի կոռումպացված վարչակազմն իմ փաստաբաններին տեղակացրել է, որ ինձ ներկայացվել են մեղադրանքներ, ըստ երևույթին՝ կապված արկղերի բեմադրության հետ»,- գրել է Թրամփը իր Truth սոցիալական ցանցում։
Ամերիկյան լրատվամիջոցները գրում են, որ մեղադրանքը յոթ կետ է ներառում, որոնց թվում են երդմանը ստելն ու արդարադատությանը խանգարելու դավադրությունը։
Ընդհանուր առմամբ, դատախազները Թրամփից առգրավել են ավելի քան 300 գաղտնի փաստաթուղթ՝ գաղտնիության տարբեր մակարդակներով։ ԱՄՆ նախկին նախագահը հերքում է մեղադրանքները։
Էմմա Չոբանյան
