16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Գրետա Թունբերգը ՌԴ-ին մեղադրել է Ուկրաինայում էկոցիդ իրականացնելու մեջ
Քաղաքականություն
09.06.2023 | 22:48
Շվեդ երիտասարդ էկոակտիվիստ Գրետա Թունբերգը Ռուսաստանին մեղադրել է էկոցիդի մեջ՝ Կախովի ՀԷԿ-ի ամբարտակի ոչնչացման համար, գրում է DW-ի ռուսական ծառայությունը։
Նա թվիթերյան իր միկրոբլոգում տարածել է հիդրոէլեկտրակայանում տեղի ունեցած աղետի մասին տեսանյութը և կատարվածն անվանել «հերթական վայրագություն» Ռուսաստանի կողմից՝ կոչ անելով Մոսկվային պատասխանատվության ենթարկել հանցագործությունների համար։
«Այս էկոցիդը, որպես շարունակություն Ուկրաինա Ռուսաստանի լայնամասշտաբ ներխուժման, ևս մեկ վայրագություն է։ Մեր հայացքները կրկին ուղղված են Ռուսաստանին, որը պետք է պատասխան տա իր հանցագործությունների համար»,- գրել է Թունբերգը։
Հիշեցնենք, որ «Կախովկա» ՀԷԿ-ում, որն արդեն մեկ տարուց ավելի վերահսկում են ռուս զինվորականները, հունիսի 6-ի առավոտյան պայթյունից հետո անվերահսկելի արտահոսք է տեղի ունենում։ Ջուրը հեղեղել է բազմաթիվ բնակավայրեր։ Կիևը հայտարարել է, որ ռուսական զորքերն են պայթեցրել ՀԷԿ-ի ամբարտակը։ ՌԴ-ն հերքում է՝ փոխարենը տեղի ունեցածի համար մեղադրելով ուկրաինական կողմին։
Ուկրաինայի ՆԳՆ-ի տվյալներով՝ հունիսի 8-ի երեկոյան ջրհեղեղի գոտու տարածքներից տարհանվել է 2,339 մարդ, այդ թվում՝ 120 երեխա։
Էմմա Չոբանյան
