25.07.2026 | 15:55
Իրանի և Ղրղզստանի ԱԳ նախարարները մտքեր են փոխանակել երկկողմ և միջազգային օրակարգի հարցերի շուրջ
Աֆրիկյան երկրների խաղաղարար առաքելության այցը Մոսկվա և Կիև տեղի կունենա մինչև հունիսի վերջ
Քաղաքականություն
07.06.2023 | 21:18
Աֆրիկյան մի շարք երկրների ղեկավարների խաղաղարար առաքելության այցը Մոսկվա և Կիև՝ «Ճանապարհ դեպի խաղաղություն» նախաձեռնության շրջանակում Ուկրաինայում հակամարտությունը կարգավորելու ուղիներ գտնելու նպատակով, տեղի կունենա մինչև հունիսի վերջ։ Այս մասին հայտնում է Brazzaville Foundation ոչ առևտրային կազմակերպությունը, որը նպաստում է աֆրիկյան երկրների խաղաղության առաքելությանը, գրում է ՏԱՍՍ-ը:
««Աֆրիկայի երկրների «Խաղաղության ճանապարհ» խաղաղ առաքելության շրջանակում Ուկրաինայում կարգավորման շուրջ նախապատրաստական աշխատանքներն ավարտվել են, այն իրականացվել է մայիսի 22-ից հունիսի 5-ը»,- ասվում է կազմակերպության հաղորդագրության մեջ։
Առաջնորդների այցը Ռուսաստան և Ուկրաինա տեղի կունենա մինչև 2023 թվականի հունիսի վերջը։
Նշենք, որ Brazzaville Foundation-ը հիմնադրվել է 2014 թվականի ամռանը ֆրանսիացի գործարար Ժան Իվ Օլիվիեի կողմից, որն էլ կազմակերպության գործող նախագահն է։ Կազմակերպության կենտրոնակայանը գտնվում է Լոնդոնում։
Էմմա Չոբանյան
