25.04.2026 | 16:31
Ես դատում եմ և պատրաստ եմ այդ նույն դատով դատվել․ Փաշինյանը՝ քաղաքացուն․ ՏԵՍԱՆՅՈւԹ
ԱՄՆ-ն անհամբեր սպասում է՝ հյուրընկալելու Հայաստան-Ադրբեջան բանակցությունները․ Պետքարտուղարություն
Քաղաքականություն
06.06.2023 | 11:33
ԱՄՆ Պետքարտուղարության փոխխոսնակ Վեդանտ Պատելը նախօրեի ճեպազրույցում անդրադարձել է Հայաստան-Ադրբեջան բանակցություններին և հաջորդ շաբաթ Միացյալ նահանգներում կայանալիք հանդիպմանը։
«Ես կոնկրետ ամսաթիվ չունեմ ասելու կամ պետքարտուղարի ժամանակացույցից առաջ ընկնելու։ Բայց այո՛, մենք անհամբեր սպասում ենք այս ամսվա վերջին Վաշինգտոնում բանակցությունների ևս մեկ փուլի հյուրընկալմանը, քանի որ կողմերը շարունակում են ձգտել Հարավային Կովկասի տարածաշրջանի խաղաղ ապագային: Ինչպես ես ասել եմ նախկինում, ուղիղ երկխոսությունը առանցքային է խնդիրների լուծման և տևական ու արժանապատիվ խաղաղության հասնելու համար։ ԱՄՆ-ն ուրախ է, որ Հայաստանի ու Ադրբեջանի միջև բանակցությունները ընթանում են տարբեր հարթակներում, այդ թվում՝ առաջնորդների վերջին հանդիպումը։ Բայց ես չունեմ ավելին այդ մասով ասելու»,-ասել է Պատելը։
Հավելենք, որ հունիսի 12-ին ԱՄՆ-ում տեղի է ունենալու Հայաստանի ու Ադրբեջանի ԱԳ նախարարների բանակցությունների հերթական փուլը։ Ավելի վաղ երկու ԱԳ նախարարները ԱՄՆ-ում բանակցություններ էին անցկացրել մայիսի 1-4-ը։
