15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Դիլիջանի ոստիկանության քրեական հետախուզության բաժանմունքի պետը ձերբակալվել է
Հասարակություն
02.06.2023 | 21:51
Ներքին գործերի նախարարության ոստիկանության Տավուշի մարզային վարչության Դիլիջանի բաժնի քրեական հետախուզության բաժանմունքի պետ Ա. Ղայթմազյանը ձերբակալվել է: Տեղեկությունը Factor.am-ի հետ զրույցում հաստատեց Քննչական կոմիտեի նախագահի մամուլի քարտուղար Գոռ Աբրահամյանը:
Ղայթմազյանին մեղադրանք է ներկայացվել Քրեական օրենսգրքի 196-րդ հոդվածի 2-րդ մասի 3-րդ կետով (անչափահասին ֆիզիկական ուժեղ ցավ կամ հոգեկան ուժեղ տառապանք պատճառելը):
Հիշեցնենք, որ երեկ Armlur.am-ը տեսանյութ է տարածել, որում երևում է, թե ինչպես է Ղայթաղչյանը ծեծում անչափահաս մի տղայի։
Շուտով պարզվել է, որ Ղայթաղչյանի նկատմամբ քրեական հետապնդում չհարուցելու որոշում է կայացվել` գործում զղջալու հիմքով, սակայն 2023 թվականի հունիսի 2-ին Տավուշի մարզի դատախազի որոշմամբ` վերացվել է այս որոշումը:
Տավուշի մարզի դատախազության դատախազի կողմից վարույթն իրականացնող քննիչին տրվել է հանձնարարություն՝ քրեական վարույթ նախաձեռնելու մասին արձանագրության մեջ փոփոխություն կատարելու վերաբերյալ՝ ենթադրյալ հանցանքի փաստական նկարագրությունը և տրված իրավական գնահատականը շտկելու համար, ինչը կատարվել է:
Փաստացի, եթե նախկինում արարքը որակվել էր որպես ֆիզիկական ներգործություն կատարել, այժմ այն որակվել է որպես ֆիզիկական ուժեղ ցավ կամ հոգեկան ուժեղ տառապանք պատճառել:
Արաքս Մամուլյան
