06.08.2026 | 22:17
Պետական պարտքի աճը Փաշինյանի օրոք. հնարքներ ԱԺ-ում և կապը Ամուլսարի հետ. Փա՞ստ թե փուստ
Ճապոնիան սպառնացել է ոչնչացնել Հյուսիսային Կորեայի հետախուզական արբանյակը՝ դրա արձակման դեպքում
Քաղաքականություն
29.05.2023 | 23:17
Ճապոնիայի Պաշտպանության նախարարությունը կարծում է, որ Հյուսիսային Կորեան իսկապես ծրագրում է մոտ ապագայում հետախուզական արբանյակ արձակել։ Այս մասին հաղորդում է ճապոնական NHK-ն։
«Մինչ այժմ Հյուսիսային Կորեան փորձարկում էր իր հրթիռային տեխնոլոգիան արբանյակների արձակման քողի տակ, սակայն վերջերս պարբերաբար հրթիռներ էր արձակում։ Եթե նրա հրթիռային տեխնոլոգիան հասել է համապատասխան մակարդակի, ապա հավանական է, որ այս անգամ նա իսկապես ծրագրում է հետախուզական արբանյակ արձակել»,- նշել է ՊՆ պաշտոնյան։
Պաշտպանության նախարարության մեկ այլ պաշտոնյա հիշեցրել է, որ սեփական հետախուզական արբանյակի առկայությունը ներառվել է երկու տարի առաջ ընդունված ԿԺԴՀ-ի ազգային պաշտպանության զարգացման ծրագրում։
Երկուշաբթի Ճապոնիայի առափնյա պահպանությունը հայտարարել է, որ Հյուսիսային Կորեան մտադիր է մայիսի 31-ից հունիսի 11-ն արձակել երկրի առաջին հետախուզական արբանյակը։
Համապատասխան ծանուցում է ստացվել Փհենյանից։ Այս կապակցությամբ Ճապոնիայի Պաշտպանության նախարարությունը հայտարարել է, որ միջոցներ կձեռնարկեն արբանյակով ԿԺԴՀ բալիստիկ հրթիռը ոչնչացնելու համար, ինչպես նաև կկանխի դրա բեկորները՝ Ճապոնիայի վրա ընկնելը։
Միաժամանակ, Ճապոնիայի նախարարների կաբինետը Փհենյանին կոչ է արել հրաժարվել արբանյակի արձակումից։
Տաթև Ֆռանգյան
