24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Վրաստանում ռուսական ալյուրը փոխարինել է տեղականին․ վրացի ֆերմերները դժգոհում են
Քաղաքականություն
26.05.2023 | 21:27
Վրացի ֆերմերները դժգոհում են, որ չեն կարողանում վաճառել իրենց հացահատիկը. ներմուծվող ռուսական ալյուրը Վրաստանում ավելի էժան է, քան տեղական ալյուրը, գրում է Euronews-ը։
Այս տարի ֆերմերները, նախորդ տարվա համեմատ, կրկնակի շատ բերք են ցանել՝ վախենալով Ուկրաինայի պատերազմի պատճառով հնարավոր դեֆիցիտից: Խնդիրներ են ավելացել նաև հողերի վարձակալության թանկացման պատճառով։ Արդյունքում ցորենի գինը բերքի ինքնարժեքից էլ ցածր է եղել, դժգոհում են գյուղատնտեսները։
Վրացի ֆերմերները մի քանի շաբաթից կսկսեն բերքահավաքը, սակայն նրանց ամբարները դեռ լցված են անցյալ տարվա հացահատիկով։ Դրա պահանջարկը չկա. անցած հուլիսին Վրաստանի իշխանությունները մեկ տարվա արգելք են սահմանել ցորենի և գարու արտահանման վրա, մինչդեռ երկրի ներսում նախընտրում են դրսից ստացվող ավելի էժան ապրանքը։
Ռուսական ցորենը զբաղեցրել է վրացական շուկայի զգալի մասը. Ռուսաստանում ցորենի ալյուրի արտահանման մաքսատուրքերը չեղարկվել են, և վրացական ընկերությունների համար ավելի ձեռնտու է գնել ռուսականը, քան Վրաստանում աղացած վրացական ալյուրը, ինչն ավելացնում է ծախսերը։ Սա դժվարացնում է կյանքը ոչ միայն ֆերմերների, այլև առանց պատվերի մնացած ալրաղացների համար։
Տաթև Ֆռանգյան
