18.12.2025 | 14:30
Եթե վարչապետը մեղադրում է՝ ԿԳԲ գործակալ են, պահանջում եմ փաստ ներկայացնել, թե չէ սուտ մատնություն է․ Դավիթ Անանյան․ ՏԵՍԱՆՅՈՒԹ
ՀՀ սահմանային և մաքսային ծառայությունները պատրաստ են ապահովել Ադրբեջանից բոլոր տրանսպորտային միջոցների բնականոն անցումը ՀՀ տարածքով․ Փաշինյանը՝ Պուտինին․ ՏԵՍԱՆՅՈՒԹ
Քաղաքականություն
25.05.2023 | 22:27
ՀՀ սահմանային ու մաքսային ծառայությունները պատրաստ են ապահովել Ադրբեջանից բոլոր տրանսպորտային միջոցների, երկաթուղիների բնականոն անցումը ՀՀ տարածքով։ Այս մասին ՌԴ նախագահ Վլադիմիր Պուտինի հետ հանդիպմանն ասել է ՀՀ վարչապետ Նիկոլ Փաշինյանը, գրում է ՌԻԱ Նովոստին։
Նրա խոսքով՝ հինգշաբթի աշխատանքային ռեժիմով քննարկվել են տարածաշրջանային հաղորդակցությունների ապաշրջափակման հետ կապված հարցեր։
«Ուզում եմ ևս մեկ անգամ հաստատել, որ Հայաստանն իսկապես շահագրգռված է դրանում, և մենք պատրաստ ենք սկսել բոլոր տրանսպորտային և տնտեսական կապերն ու հաղորդակցություններն ապաշրջափակել՝ ելնելով մեր երկրի ինքնիշխանությունից և իրավասությունից։ Ես ուզում եմ կրկնել այս դիրքորոշումը, և ուզում եմ հաստատել, որ մենք պատրաստ ենք։ Հայաստանի սահմանային և մաքսային ծառայությունները պատրաստ են ապահովելու բոլոր տրանսպորտային միջոցների, գնացքների բնականոն երթևեկությունը, մասնավորապես՝ Հայաստանի տարածքով»,- հայտարարել է Փաշինյանը։
Երևանն ակնկալում է, որ Ադրբեջանը ևս բաց կլինի Ռուսաստանի Դաշնություն և Իրան հայկական ապրանքների փոխադրման համար՝ պարիտետային հիմունքներով, հավելել է վարչապետը։
Տաթև Ֆռանգյան
