25.07.2026 | 16:59
Ինչ եղանակ է սպասվում առաջիկա օրերին
ՀՀ-ն դեմարշ հայտարարեց ՀԱՊԿ-ին․ սա փաստացի դադարեցում է ՀՀ-ի անդամության․ անպիտա՛ն է դաշինքը․ Նորայր Նորիկյան. ՏԵՍԱՆՅՈՒԹ
Քաղաքականություն
25.05.2023 | 21:32
ՀՀ պաշտպանության նախարար Սուրեն Պապիկյանն այսօր չի մեկնել Մինսկ և չի մասնակցում ՀԱՊԿ ՊՆ ղեկավարների նիստին։ Շոյգուն նիստի ժամանակ հիշել է, որ Հայաստանն իրենց դաշնակիցն է, կազմակերպության անդամ, և որ ՀԱՊԿ-ի համատեղ օպերատիվ-մարտական գործունեությանը ՀՀ-ի մասնակցությունը կարևոր է։
Երևանը չեղարկել էր ՀԱՊԿ-ի զորավարժությունը Հայաստանի տարածքում։ Բացի այդ, ՀԱՊԿ-ն չի աջակցել ՀՀ-ին՝ Ադրբեջանի ռազմական ագրեսիաները հետ մղելու համար։ Նախօրեին Նիկոլ Փաշինյանն առաջարկել էր Լավրովի մամուլի խոսնակ Մարիա Զախարովային՝ ականջին օղ անել ՀԱՊԿ-ի մասին իր խոսքը՝ այն մասին, որ ՀՀ-ն չի բացառում դուրս գալը ՀԱՊԿ-ից։
«Մենք բազմիցս ենք դա նշել, եթե դա խոսելու ձև է, որով առաջ է տարվում ՀԱՊԿ-ից Հայաստանը դուրս հանելու գաղափարն, ապա հարկ է գիտակցել խոսքերի մանիպուլյացիայից բխող սպառնալիքը»,- նշել է Զախարովան:
«Արդար Հայաստան» կուսակցության ղեկավար Նորայր Նորիկյանին Factor TV-ին տված հարցազրույցում հարց ուղղեցինք՝ հնարավոր համարո՞ւմ է, որ Փաշինյանի կառավարությունը որոշում կայացնի ՀԱՊԿ-ից դուրս գալու վերաբերյալ։
«Ես կարծում եմ, որ ՀՀ-ն դեմարշ հայտարարեց ՀԱՊԿ-ին՝ Պապիկյանի չմասնակցելով։ Սա դաշինքին անդամության փաստացի դադարեցում է, անպիտա՛ն է ՀԱՊԿ-ն»,- ասաց Նորիկյանը՝ շեշտելով, որ հանուն Հայաստանի անվտանգության ապահովման ՀՀ իշխանությունը պետք է գործակցի բոլոր կարող ուժերի հետ, նույնիսկ՝ ՀԱՊԿ-ից հեռանալու գնով։
Հարցազրույցն ամբողջությամբ՝ տեսանյութում։
Ռոբերտ Անանյան
