17.12.2025 | 23:17
ԵՄ-ն կոչ է անում Թբիլիսիին ազատ արձակել անօրինական ձերբակալվածներին
Գերմանիան զորախումբ է ուղարկում Մոլդովա
Քաղաքականություն
24.05.2023 | 22:10
Գերմանիան զորախումբ է ուղարկում Մոլդովայում Եվրոպական միության գործընկերության առաքելություն (EUPM Moldova): Այս որոշման մասին հայտարարել է կառավարության խոսնակ Շտեֆեն Գեբեշտրեյտը, փոխանցում է Korrespondent-ը։
Հաղորդվում է, որ զորախումբը կազմված կլինի առավելագույնը 15 հոգուց, որոնց խնդիրն է՝ աջակցել երկրի ազգային անվտանգությանը։
«Մոլդովայի Հանրապետությունը լրջորեն տուժել է Ուկրաինայի դեմ Ռուսաստանի անօրինական ագրեսիվ պատերազմից, բացի այդ՝ երկրում իրավիճակն ապակայունացնելու՝ Ռուսաստանի փորձերը շարունակվում են։ Ապակայունացման այս փորձերն ուղղված են սաբոտաժի ենթարկելու բարեփոխումների ընթացքը և եվրաինտեգրումը»,- ասել է Գեբեշտրեյտը։
Գերմանիայի ԱԳՆ խոսնակ Անդրեա Սասեն էլ հավելել է, որ առաքելության երեք թեկնածուներ արդեն հաստատվել են՝ մեկ ոստիկան և երկու փորձագետ։
Տաթև Ֆռանգյան
