24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Հունգարիան բանակցություններ է վարում Կատարի հետ գազի գնման շուրջ՝ ՌԴ-ից կախվածությունը նվազեցնելու համար
Քաղաքականություն
24.05.2023 | 23:02
Հունգարիան, որն արգելակում է Ռուսաստանի Դաշնության դեմ ԵՄ պատժամիջոցների ընդունումը և Ուկրաինային օգնություն տրամադրելու հաստատումը, բանակցություններ է վարում Կատարի հետ գազ գնելու համար՝ էներգետիկ ոլորտում Ռուսաստանից կախվածությունը նվազեցնելու նպատակով։ Հունգարիայի վարչապետ Վիկտոր Օրբանը Կատարի հետ բանակցությունների մասին հայտարարել է Bloomberg-ին տված հարցազրույցում։
«Հունգարիայի էներգետիկ կարիքների կեսը ծածկվում է Ռուսաստանից՝ երկարաժամկետ պայմանագրերով։ Մյուս կեսի համար մենք պետք է այլ գործընկերներ գտնենք: Մենք գործընկերներ ենք փնտրում ամբողջ աշխարհում, և Կատարը մեզ համար պոտենցիալ գործընկեր է»,- ասել է Օրբանը։
Պարսից ծոցի այս երկրի հետ բանակցությունները դեռևս շարունակվում են։ Դրական որոշման դեպքում մատակարարումները կսկսվեն 2026 թվականից ոչ շուտ, նշել է Հունգարիայի կառավարության կաբինետի ղեկավարը։
Մինչ ԵՄ երկրներն Ուկրաինա Մոսկվայի լայնամասշտաբ ներխուժումից հետո գնացին ռուսական գազից և նավթից կախվածությունը նվազեցնելու ճանապարհով, Օրբանը լրացուցիչ գործարքներ կնքեց Ռուսաստանի հետ, հիշեցնում է պարբերականը։
Հունգարիան, անհրաժեշտության դեպքում, կկարողանա ավելի շատ ռուսական բնական գազ օգտագործել՝ ի լրումն գործող երկարաժամկետ պայմանագրի՝ հաջորդ ձմռանը ընդառաջ, գրել էր Bloomberg-ը ապրիլին Հունգարիայի արտգործնախարար Պետեր Սիյարտոյի՝ Մոսկվայում կայացած հանդիպումներից հետո։ Բուդապեշտ լրացուցիչ մատակարարումները հիմնականում կիրականացվեն «Թուրքական հոսք» գազատարով։
Տաթև Ֆռանգյան
