ՌԴ-ն ասում է՝ ԼՂ-ն Ադրբեջանի կազմում լինի առանց ստատուսի․ անընդհատ իջեցրել է Արցախի ապագայի իր պատկերացման նշաձողը. Բորիս Նավասարդյան․ ՏԵՍԱՆՅՈՒԹ

Լուրեր

18.11.2026 | 10:22
ՄԻՊ-ն ընդգծել է երեխաներին առնչվող գործերը լուսաբանելիս անձնական տվյալների պաշտպանության և «Մի՛ վնասիր» սկզբունքի պահպանման կարևորությունը
18.11.2026 | 10:08
Արգենտինայի հավաքականը հաղթել է 7:0 հաշվով. ՏԵՍԱՆՅՈՒԹ
18.11.2026 | 10:00
Նիկոլ Փաշինյանն ԱԺ-ում մասնակցում է 2027թ. բյուջեի նախագծի քննարկմանը. ՈՒՂԻՂ
18.11.2026 | 09:55
ՀՖՖ-ն աջակցում է ՖԻՖԱ-ի նախագահի եվրոպական թեկնածուին
18.11.2026 | 09:47
Արտարժույթների փոխարժեքները՝ նոյեմբերի 18-ի դրությամբ
18.11.2026 | 09:36
ՀՀ տարածքում ավտոճանապարհները հիմնականում անցանելի են
17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
Բոլորը

Ռոբերտ Քոչարյանը և Սերժ Սարգսյանն արձագանքել են թե՛ Նիկոլ Փաշինյանի հայտարարություններին, թե՛ Արցախի ԱԺ-ի երեկվա հայտարարությանը։ Նրանք կոչ էին արել ՀՀ նախկին նախագահներին՝ արտահայտվել Ադրբեջանի տարածքային ամբողջականությունը ճանաչելու՝ Փաշինյանի հայտարարությանը։

Քոչարյանը ԼՂ ԱԺ մեծամասնությանը պատասխանել է, թե նախագահներին ուղղված վերջնագրային պահանջներն իր մասով համարում է անտեղի և վիրավորական: Քոչարյանն ասել է, որ իր զգուշացնումներին ԼՂ ԱԺ-ն նախկինում չի արձագանքել, փոխարենը նրանք 2021-ի ընտրություններում ՀՀ իշխանություններին են աջակցել։

«Դուք «չնկատեցիք» նախորդ տարվա ապրիլ-մայիսին Երևանում տեղի ունեցող զանգվածային բողոքի ցույցերը: Ձեր հնազանդությամբ և Հայաստանի իշխանություններին գոհացնելու ձգտմամբ դուք թույլ տվեցիք, որ Արցախի ճակատագիրը որոշվի առանց ձեր մասնակցության: Այնպես որ, չհամարձակվեք պատասխանատվությունը հիվանդ գլխից բարդել առողջի վրա: Եվ հաստատ՝ դուք չէ, որ կարող եք դատողություն անել իմ հայրենասիրության մակարդակի մասին»,- ասել է Քոչարյանը:

Իսկ ահա Սերժ Սարգսյանն ասել է, որ իրենից արձագանք պահանջելը ԼՂ-ն Ադրբեջանի մաս ճանաչելու վերաբերյալ Նիկոլ Փաշինյանի հայտարարությանն ի պատասխան՝ անհասկանալի է․ «Եթե չասեմ՝ վիրավորական է»:

Ապա երրորդ նախագահը հիշեցրել է իր հայտարարություններն այն մասին, որ «Արցախը չի´ լինելու Ադրբեջանի կազմում»: Նա նաև ասում է, որ Հայաստանի իշխանության քայլերի մասին իրենց դիրքորոշումները սկզբունքային են, որոնց մասին ինքը միշտ հայտարարել է․ «Դրանք որևէ փոփոխության ենթակա չեն: Բարձրաձայնել ենք, պայքարել ու շարունակում ենք պայքարել, որքան էլ մեզ զրպարտել են, վարկաբեկել, թիրախավորել՝ ականջալուր չլինելով մեր ահազանգերին ու նախազգուշացումներին: Եթե ոմանք հիմա հանկարծ «անսպասելիությունից անակնկալի են եկել» և ինձնից նոր հայտարարություն են պահանջում, առնվազն տարակուսելի է»:

Ի դեպ, 44-օրյա պատերազմից անմիջապես հետո Արցախի ԱԺ նախագահ Արթուր Թովմասյանը պատմել էր Արցախի պատգամավորների և Սերժ Սարգսյանի հանդիպման մասին․ «Նոյեմբերի 9-ին, երբ Ստեփանակերտում քիչ մարդ էր մնացել, ես հիշեցի մի քանի տարի առաջ ՀՀ երրորդ նախագահ Սերժ Սարգսյանի ասած խոսքը՝ «Դուք բազմաթիվ անգամ լսել եք «Ղարս, Ղարս» երգը, եթե հրաժարվում եք մադրիդյան սկզբունքներից, ապա ցանկություն ունեք լսելու «Ստեփանակերտ, Ստեփանակերտ» ե՞րգը»։ Շատ կոշտ ասաց»։

Երևանի մամուլի ակումբի նախագահ Բորիս Նավասարդյանն ասում է, որ Ռոբերտ Քոչարյանի հետ չի կարելի համաձայնվել այն մասով, որ ինքը ենթադրում էր՝ ընդդիմության 2022-ի ցույցերի ժամանակ արցախցիները պիտի աջակցեին իրեն։

«Նրանք չպիտի միջամտեին ՀՀ ներքաղաքական կյանքին։ Արցախի հայերը խնդիրը չէ ՀՀ ներքաղաքական կյանքին միջամտել։ Ես հիշում եմ, որ Սերժ Սարգսյանն ասում էր՝ Արցախը չի լինելու Ադրբեջանի կազմում, ինչի՞ վրա էր հիմնված այդ համոզմունքը․ ստացվում է՝ դա հիմք չունեցող կարգախոս էր։ ՀՀ նախկին ղեկավարները վճռական գործողությամբ իշխանափոխություն անելու համար աջակցություն չունեն հասարակությունից։ Ես կարծում եմ, որ Արցախի ճակատագրական սխալն էր՝ ՌԴ-ի վրա հույս դնել, որ Ադրբեջանի վրա կազդի՝ հօգուտ արցախահայերի։ Արցախի էլիտայի դրած խաղադրույքը ՌԴ-ի վրա ինքնիշխանության հետ համատեղելի չէ։ ՌԴ-ն և Ադրբեջանը գործել են հայերիս դեմ, քանի որ համատեղ շահեր ունեն, ինչին ոչինչ չենք հակադրել, անգամ Ստեփանակերտ-Երևան համատեղ աշխատանք չկա։ ՌԴ-ն անընդհատ իջեցրել է ԼՂ-ի կարգավիճակի՝ իր պատկերացումների մասին նշաձողը․ եթե կար ժամանակ, որ վետո էին դնում Ադրբեջանի օգտին նախագծերի վրա միջազգային կառույցներում, հիմա արդեն ասում են՝ Արցախն Ադրբեջանի կազմում լինի՝ առանց կարգավիճակի»,- ասաց Բորիս Նավասարդյանը։

Հարցազրույցն ամբողջությամբ՝ տեսանյութում։

Ռոբերտ Անանյան