16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ինչ էլ պայմանավորվենք, դա պետք է իրավական ձևակերպում ստանա. Փաշինյանը՝ անկլավների մասին․ ՏԵՍԱՆՅՈՒԹ
Քաղաքականություն
22.05.2023 | 18:08
«Իրավական հարցերը պետք է ճշգրտվեն, որովհետև դրանք բարդ թեմաներ են: Ինչ ասում ենք, հետո պետք է գնանք, դրանց իրավական հիմնավորումները տանք: Որովհետև, եթե իրավական հիմնավորումները չտանք, այդ քաղաքական հայտարարությունները կմնան քաղաքական հայտարարություն»,- այսօր հրավիրված մամուլի ասուլիսում այս մասին նշեց ՀՀ վարչապետ Նիկոլ Փաշինյանը՝ արձագանքելով հարցին, թե ինչպես է առանց իրավական հիմքերի անկլավները ճանաչում Ադրբեջանի մաս:
«Մենք ճանաչում, առերեսվում ենք, իրենք էլ են ընդունում, որ կա այդպիսի խնդիր: Ասում ենք՝ այդ հարցը հասցեագրելու համար եկեք գնանք, իրավական վերլուծություն անենք և իրավական վերլուծության արդյունքում ձևավորված քաղաքական իրողությունները ճշգրտենք և գնանք առաջ:
Ինչ էլ խոսենք, պայմանավորվենք, իրավական ձևակերպում պետք է ստանա:
Եթե պարզվի իրավական հիմքը, պետք է պարզվի այդ անկլավների իրավական տարածքները, թե քանի՞ քառակուսի կիլոմետր են: Որոնք ադրբեջանական են համարվում, քանի՞ քառակուսի կիլոմետր են, և որը հայկական է դիտարկվում և համարվում, քանի՞ քառակուսի կիլոմետր է: Սա կարևոր իրավական արձանագրում է:
Հետո դա որ ունենանք, սրա վրա պետք է ճշգրտել այն քաղաքական մոտեցումը, դրա հիման վրա ձևավորել վերջնական դիրքորոշում: Դելիմիտացիայի, դեմարկացիայի հանձնաժողովների գործունեության կարևոր անելիքներից մեկը հենց դա պետք է լինի»,- նշեց Փաշինյանը:
Մանրամասները՝ տեսանյութում։
