16.12.2025 | 09:54
Սպասվում է ձյուն և ձնախառն անձրև, օդի ջերմաստիճանը կնվազի
«Ձեզ թվում ա Շվեյցարիայի, Պանամայի օֆշորների տեղը մենք չգիտե՞նք»․ վարչապետ․ ՏԵՍԱՆՅՈՒԹ
22.05.2023 | 13:40
«Հաճախ եք խոսում լրատվամիջոցների, կուսակցությունների ֆինանսական թափանցիկության կարևորության մասին, բայց հաճախ ՔՊ-ն է հայտնվում սկանդալների կենտրոնում… Շուրջ 525 նվիրատուների մասով չկա որևէ տեղեկատվություն, թե ովքե՞ր են իշխող ուժին նվիրատվություն կատարել: Ինչո՞ւ է գաղտնի պահվում այդ ցանկը:
Ի պատասխան այս հարցի՝ վարչապետ Նիկոլ Փաշինյանն այսօր հրավիրված ասուլիսում նշեց․ «Մենք չե՞նք ընդունել օրենքները։ Եթե ձեր ասածը լիներ, չէինք ընդունի այդ օրենքները, և ոչ մեկը ոչ կստուգեր, ո՛չ կհրապարակեր, ո՛չ կիմացվեր։ Կտանեինք Կուկի կղզիներ․․․ Ձեզ թվում ա Շվեյցարիայի, Պանամայի օֆշորային գոտիների տեղը մենք չգիտե՞նք․․․
Հենց մենք ենք ընդունել, որ՝ աուդիտորական ընկերություն ջան, գնա՛, ստուգի՛ բոլոր կուսակցությունները, ուղարկի Կոռուպցիայի կանխարգելման հանձնաժողով, որի պաշտոնում ընտրվել է ընդդիմության առաջադրած թեկնածուն…
Հիմա էլ նվերների մասին էնպիսի խիստ օրենսդրություն ենք ընդունել, ասում ենք՝ լավ, ոնց ենք աշխատելու: Հիմա էլ աշխատում ենք ստացած նվերները պետությանը հանձնելու ընթացակարգի վրա»։
Մանրամասները՝ տեսանյութում։
