19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Մեր ուժը մեծանում է․ Ուկրաինայի նախագահը ելույթ է ունեցել G7-ի գագաթնաժողովում
Քաղաքականություն
21.05.2023 | 11:35
Այս պատերազմի ընթացքում Ուկրաինան 6 անգամ մասնակցել է «Մեծ յոթնյակի» (G7) նիստերին, բայց առցանց։ Հիմա անձնական երախտագիտություն հայտնելու պահն է։ Այս մասին Ճապոնիայում անցկացվող G7-ի գագաթնաժողովի իր ելույթում ասել է Ուկրաինայի նախագահ Վլադիմիր Զելենսկին․ հայտնում է «Ուկրաինսկայա պրավդա»-ն։
«Մենք միասին հասել ենք համագործակցության մի մակարդակի, որի շնորհիվ ժողովրդավարության, միջազգային իրավունքի և ազատության վրա ուշադրություն է դարձնում աշխարհը։ Եղել են փորձեր անտեսելու և արհամարհելու այն, ինչ մենք արժևորում ենք, բայց հիմա անհնար է․ մեր ուժը մեծանում է։ Եվ յուրաքանչյուր ոք, ով կփորձի դուրս գալ ժողովրդավար երկրի դեմ, կտեսնի, թե ինչպիսին կարող է լինել պատասխանը»,- նշել է Ուկրաինայի նախագահը։
Հիշեցնենք, որ Վլադիմիր Զելենսկին մայիսի 20-ի առավոտյան ժամանել էր Ճապոնիայի Հիրոսիմա քաղաք՝ մասնակցելու G7 գագաթնաժողովին։
