24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ռուսաստանն Ադրբեջանի և ԵՏՄ-ի միջև համագործակցության զարգացման մեծ ներուժ է տեսնում. Օվերչուկ
Քաղաքականություն
19.05.2023 | 20:13
Ռուսական կողմը զգալի ներուժ է տեսնում Ադրբեջանի և Եվրասիական տնտեսական միության (ԵՏՄ) միջև համագործակցության զարգացման համար։ Այս մասին հայտարարել է ՌԴ փոխվարչապետ Ալեքսեյ Օվերչուկը «Ռուսաստան. Իսլամական աշխարհ. Կազանֆորում» XIV միջազգային տնտեսական համաժողովի ընթացքում ունեցած ելույթում, գրում է ՏԱՍՍ-ը։
«Հաշվի առնելով Ադրբեջանի յուրահատուկ աշխարհագրական դիրքը, նրա տնտեսության կառուցվածքը, արտաքին առևտուրը, ազգային զարգացման ծրագրերը՝ մենք այստեղ լավ ներուժ ենք տեսնում Ադրբեջանի և ԵՏՄ-ի միջև համագործակցության զարգացման համար»,- ասել է նա՝ նշելով, որ ԵՏՄ-ի գործունեության ընթացքում մասնակից երկրների փոխադարձ առևտուրն աճել է 87%-ով և ԵՏՄ-ի շրջանակում ինտեգրացիան իսկապես շահավետ է անդամ պետությունների համար։
Օվերչուկը հավելել է, որ Ադրբեջանը և ԱՏՄ երկրները կշահեն Հյուսիս-Հարավ «անխափան միջանցքի» ստեղծումից՝ Իրանի և Թուրքիայի հետ մաքսային հսկողությունը հանելով։
«Այսօր Ադրբեջանում շատ լուրջ հետաքրքրություն կա այն ամենի շուրջ, ինչ արվում է ԵՏՄ-ում, և երկխոսություն է գնում փորձագիտական մակարդակով։ Մենք դա գնահատում ենք։ Եվ, իհարկե, նման անխափան միջանցքի՝ Հյուսիս-Հարավ տրանսպորտային և լոգիստիկ միջանցքի ստեղծման մեր փոխադարձ աշխատանքի լույսի ներքո, որն ունի ակնհայտ տնտեսական օգուտ թե՛ Ադրբեջանի, թե՛ ԵՏՄ երկրների համար, և մաքսային սահմանը տեղափոխումը Իրանի և Թուրքիայի հետ սահման, կարծում եմ՝ դրանից բոլորը միայն կշահեն»,- ասել է Օվերչուկը։
Հավելենք, որ մայիսի 17-ին էլ Ադրբեջանի նախագահ Իլհամ Ալիևը Բաքվում ընդունել էր Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչին և քննարկել միության հետ համագործակցության հարցերը։
Հիշեցնենք, որ ԵՏՄ անդամ երկրներն են՝ Հայաստանը, Բելառուսը, Ղազախստանը, Ղրղզստանը և ՌԴ-ն։
Էմմա Չոբանյան
