13.09.2026 | 11:45
Մինչև 23։00-ն Երևանում մի շարք փողոցներում կսահմանափակվի տրանսպորտային միջոցների կանգառն ու կայանումը
Լավրովը հայտարարել է, թե «ԱՄՆ-ը ՀՀ-ին խորհուրդ է տալիս հրաժարվել ռուսական բազայից՝ անվտանգություն խոստանալով»
Քաղաքականություն
17.05.2023 | 12:49
ԱՄՆ-ը Հայաստանին «խորհուրդ է տալիս» հրաժարվել ռուսական բազայի և սահմանապահների տեղակայումից՝ դրա դիմաց խոստանալով «ապահովել անվտանգություն»։ Այս մասին հայտարարել է ՌԴ ԱԳ նախարար Սերգեյ Լավրովը, գրում է ՌԻԱ Նովոստին։
«Գիտեմ, որ հայերին, մենք այդպիսի տեղեկություն ունենք, նրանք (ԱՄՆ-ը և իր դաշնակիցները) ասում են, թե եկեք մեզ մոտ, քշեք ռուսներին ձեր տարածքից, սահմանապահներին ևս, հանեք ռազմական բազան, ամերիկացիները կօգնեն ապահովել անվտանգությունը։ Բացահայտ սադրանք։ Դա ևս դիվանագիտություն չէ։ Չկա այլևս դիվանագիտություն։ Կա ուղիղ կաշառք»,- հայտարարել է Լավրովը «Ցարգրադ» հեռուստաալիքին տված հարցազրույցում։
Հիշեցնենք, որ ՀՀ տարածքում տեղակայված է ռուսական 102-րդ ռազմաբազան։ Ռազմաբազայի օդային բաղադրիչ է համարվում նաև «Էրեբունի» ավիաբազան, որը տեղակայված է Երևանում։
Հայաստանում Ռուսաստանի ԱԴԾ սահմանային վարչությունը ծառայություն է իրականացնանում ըստ 1992 թվականի սեպտեմբերի 30-ի Ռուսաստանի Դաշնության և Հայաստանի միջև «Հայաստանի Հանրապետության տարածքում տեղակայված Ռուսաստանի Դաշնության սահմանապահ զորքերի կարգավիճակի և դրանց գործունեության պայմանների մասին» համաձայնագրի։
Տաթև Ֆռանգյան
