13.09.2026 | 13:39
Սեպտեմբերի 13-18-ին Հայաստանում տեղումներ չեն սպասվում․ ջերմաստիճանը կբարձրանա 2-4 աստիճանով
Թուրքիայում մեկնարկել է նախագահական և խորհրդարանական ընտրությունների քվեարկությունը
Քաղաքականություն
14.05.2023 | 10:13
Կիրակի օրը Թուրքիայում բացվել են ընտրատեղամասերը նախագահական և խորհրդարանական ընտրություններում քվեարկել ցանկացողների համար, ընտրատեղամասերը բաց կլինեն մինչև տեղի ժամանակով ժամը 17.00-ն։ Այս մասին հայտնում են թուրքական ԶԼՄ-ները։
Ընտրողները կընտրեն նախագահի, ով կկառավարի երկիրը առաջիկա հինգ տարիներին, և 600-տեղանոց խորհրդարանի պատգամավորներին։
Բարձր ընտրական հանձնաժողովի (YSK) հրապարակած տվյալների համաձայն՝ ավելի քան 191,000 քվեատուփ կտեղադրվի 81 մարզերում:
Երկրի ներսում ընտրելու իրավունք ունի 60 միլիոն 721 հազար 475 քաղաքացի, մեծամասնությունը կանայք են՝ ավելի քան 30,7 միլիոն։
Արտասահմանյան ընտրատեղամասերում քվեարկությունը սկսվել է ապրիլի 27-ից ու տևել է մինչ մայիսի 9-ը, ավելի քան 1,8 միլիոն քաղաքացի կատարել է իր ընտրությունը։ Սահմանային անցակետերում քվեարկությունը նույնպես շարունակվում է ապրիլի 27-ից, սակայն կավարտվի միայն կիրակի օրը՝ ժամը 17.00-ին։
73 երկրներում Թուրքիայի արտասահմանյան ներկայացուցչությունների ընտրատեղամասերում մասնակցությունը գերազանցել է 53%-ը և ռեկորդ է սահմանել։
Տաթև Ֆռանգյան
