05.11.2024 | 09:32
ՀՀ տարածքում ավտոճանապարհներն անցանելի են․ Լարսը բաց է
Գերմանիան ծրագրում է 18 Leopard 2 տանկ գնել` ընդհանուր 588 մլն դոլար արժողությամբ
Քաղաքականություն
12.05.2023 | 20:48
Գերմանիան մտադիր է 18 Leopard 2 տանկ գնել 525 միլիոն եվրոյով (577,92 միլիոն դոլար)՝ Ուկրաինային մատակարարված տանկերը փոխարինելու համար։ Այս մասին Reuters-ին հայտնել է երկրի Պաշտպանության նախարարությունում աղբյուրը։
Ընդհանուր արժեքը, ներառյալ՝ ևս 105 տանկի առաքումն առանձին պայմանագրով, կկազմի 2,9 միլիարդ եվրո։ Բունդեսթագի բյուջետային հանձնաժողովն ակնկալում է, որ գործարքը կստորագրվի մայիսի վերջին, ասել է աղբյուրը։
Գերմանիան 18 Leopard 2 տանկ է մատակարարել Ուկրաինային անցյալ տարվա ռուսական ներխուժման սկզբից ի վեր և հայտարարել է, որ մտադիր է հնարավորինս շուտ համալրել իր զինանոցը նոր տանկերով:
Նշենք, որ Leopard-ն արտադրվում է գերմանական KMW-ի և Rheinmetall-ի համատեղ:
Տաթև Ֆռանգյան
