23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ադրբեջանին չի հաջողվել իր մտադրությունը զարգացնել բանակի դիմակայության արդյունքում․ Անդրանիկ Քոչարյան․ ՏԵՍԱՆՅՈՒԹ
Քաղաքականություն
11.05.2023 | 15:02
Հայաստանի զինված ուժերը կարողացել են լուծել իրենց առջև դրված խնդիրը։ Factor TV-ի հետ զրույցում հայտարարեց ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը։
«44-օրյա պատերազմից հետո հակառակորդը օգտվելով իր ձեռք բերված պայմանավորվածություններից պարբերաբար փորձում է ինչ-որ ռազմական առավելություններ արձանագրել, որպեսզի փորձի դրանք վերածի քաղաքականի։ Վերջին հաշվով գնում են բանակցություններ, որտեղ տարբեր շահեր են բախվում իրար»,- շարունակեց Քոչարյանը՝ շեշտելով, որ Հայաստանի զինված ուժերը ցույց են տալիս դիմակայության նոր որակներ։
Անդրանիկ Քոչարյանի խոսքով՝ հենց այդ դիմակայության արդյունքում հակառակորդին չի հաջողվել իր մտադրությունները զարգացնել։
«Իրենք ուզում են տեսնել հետպատերազմյան փուլում Հայաստանի զինված ուժերը ինչ վիճակում են։ Եվ եթե ամեն ինչ այնպես լիներ, ինչպես մեկ տարի առաջ, կուզեին նաև դիրքային բարելավման հասնել»,- շարունակեց Քոչարյանը։
Հիշեցնենք՝ այսօր վաղ առավոտից մի քանի ժամ շարունակ ադրբեջանական կողմը մի քանի ժամ շարունակ կրակել է հայկական դիրքերի ուղղությամբ, որի հետևանքով հայկական կողմն ունի 4 վիրավոր։ Ադրբեջանական կողմը հայտնել է 1 զոհի և 1 վիրավորի մասին։
Պաշտպանության նախարարության վերջին հաղորդագրության համաձայն՝ 14:00-15:00-ն ընկած ժամանակահատվածում հրադադարի էական խախտումներ չեն արձանագրվել:
