17.05.2026 | 16:12
Խափանում մետրոպոլիտենում․ այն կաշխատի մեկ գծանի երկկողմանի երթևեկությամբ
Ռեկորդային բարձր մասնակցություն է գրանցվել արտասահմանում թուրքերի քվեարկության ժամանակ
Քաղաքականություն
05.05.2023 | 21:06
Թուրքիայում մայիսի 14-ին կայանալիք ընտրություններին արտերկրում անցկացվող քվեարկության ժամանակ նկատվել է ընտրատեղամասեր գնացող թուրքերի թվի զգալի աճ. ավելի քան մեկ միլիոն մարդ քվեարկել է արտերկրում բացված ընտրատեղամասերում և մաքսային անցակետերում, գրում է Turkish Minute-ը։
Քվեարկությունը սկսվել է դեռևս անցյալ շաբաթ Թուրքիայի այն քաղաքացիների համար, որոնք բնակվում են արտասահմանում։ Թուրքիայի Ընտրական գերագույն խորհրդի հրապարակած թվերի համաձայն՝ քվեարկել է 1,138,743 մարդ՝ արտերկրում բնակվող ավելի քան 3 միլիոն Թուրքիայի քաղաքացիներից։ Նրանցից ավելի քան 800,000-ը քվեարկել է առաջին վեց օրվա ընթացքում՝ սկսած ապրիլի 27-ից:
Թուրքական լրատվամիջոցները հաղորդում են, որ ընտրողները վարձել են ավտոբուսներ՝ մեծ խմբերով ընտրատեղամասեր մեկնելու համար և որոշ երկրներում ժամերով հերթերում սպասել՝ իրենց ձայնը տալու համար:
Ընդհանուր առմամբ, 26 ընտրատեղամասեր են բացվել Գերմանիայում՝ այնտեղ բնակվող մոտ 1,5 միլիոն գրանցված թուրք ընտրողների համար։
Քվեարկությունը շարունակվելու է մինչև մայիսի 9-ը՝ արտերկրում գտնվող թուրքական դիվանագիտական ներկայացուցչություններում և մինչև մայիսի 14-ը ժամը 17:00-ը՝ մաքսային անցակետերում։
Էմմա Չոբանյան
