14.12.2025 | 15:42
Կյանքից հեռացել է մանկական վիրաբույժ Ավթանդիլ Հարությունյանը
ԱՄՆ երկնքում կրկին անհայտ ծագման օդապարիկ է հայտնվել․ զինվորականները հետևում են դրա տեղաշարժին
Քաղաքականություն
02.05.2023 | 21:42
Ամերիկացի զինվորականները հետևում են ԱՄՆ երկրի երկնքում հայտնված ևս մեկ օդապարիկի, որի ծագումն անհայտ է, և այս պահին այն ակնհայտ վտանգ չի ներկայացնում։ Այս մասին հայտնում է NBC News-ը։
Հաղորդվում է, որ օբյեկտն անցել է Հավայան կղզիների վրայով, բայց դեռևս չի թռել արգելված տարածքներից որևէ մեկի վրայով և ներկայում վտանգ չի ներկայացնում օդային երթևեկության կամ ազգային անվտանգության համար կամ որևէ ազդանշան չի փոխանցում: Այն դանդաղ շարժվում է դեպի Մեքսիկա։
ԱՄՆ պաշտոնյաներից մեկը նշել է, որ պարզ չէ՝ սա օդերևութաբանակա՞ն օդապարիկ է, թե՞ այլ բան, բայց ԱՄՆ-ն այս օբյեկտին կհարվածի, եթե մոտենա ցամաքին։
Հաղորդվում է նաև, որ ԱՄՆ պաշտոնյաները կարծում են, որ այս օդապարիկը չի պատկանում Չինաստանին, սակայն դեռ փորձում են պարզել դրա ծագումը։
Հիշեցնենք՝ փետրվարի սկզբին ամերիկացի զինվորականները խոցել էին չինական օդապարիկ, որը նրանք համարել էին լրտեսական։ Հաղորդվում է, որ օդապարիկի հայտնաբերումը դիվանագիտական ճգնաժամ էր առաջացրել, ինչի արդյունքում ԱՄՆ պետքարտուղար Էնթոնի Բլինքենը չեղարկել էր Չինաստան կատարելիք այցը։
Տաթև Ֆռանգյան
