24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Մեկնելու ենք Թուրքիա, բարդ օրակարգ է սպասվում․ ինչո՞ւ չեք գալիս․ Թունյանը՝ Մանուկյանին․ ՏԵՍԱՆՅՈՒԹ
Քաղաքականություն
02.05.2023 | 10:52
Հայկական պատվիրակությունը կմեկնի Թուրքիա։ Այս մասին ԱԺ հերթական նիստում հայտարարեց «Քաղաքացիական պայմանագիր» խմբակցության պատգամավոր Բաբկեն Թունյանը՝ ընդգծելով նաև, որ խորհրդարանական ընդդիմությունը հրաժարվել է մասնակցել այդ այցին։
«Վաղը չէ մյուս օրը մենք՝ Սևծովյան տնտեսական համագործակցության խորհրդարանական պատվիրակության անդամներով, մեկնում ենք Անկարա, որտեղ բավականին բարդ օրակարգ է մեզ սպասվում։ Եվ այդ պատվիրակության անդամ եք նաև դուք։ Դուք հարցնում եք՝ Ռուբեն Ռուբինյանն ինչո՞ւ է գնում, ես էլ ձեզ հարցնում եմ՝ բա դուք ինչո՞ւ չեք գալիս,- դիմելով «Հայաստան» խմբակցության պատգամավորներին՝ նշեց Թունյանը։
«Գայիք, ձեր բոլոր մտահոգությունների մասին բարձրաձայնեիք, լիքը խնդիրներ կան, օգնեք, որպեսզի մենք մեր տեսակետը տանենք առաջ։ Եթե առիթ կլինի խոսելու, ասեք՝ ինչո՞ւ վաղը չէ մյուս օրը մեզ հետ Թուրքիա չեք գալիս»,- նշեց իշխանական պատգամավորը՝ հավելելով, որ այնտեղ բարդ օրակարգով շատ խնդիրներ կան լուծելու։
Մանրամասները՝ տեսանյութում։
