24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Վաղը Բրյուսելում ԵՄ-Ադրբեջան էներգետիկ երկխոսության նիստ է սպասվում
Քաղաքականություն
01.05.2023 | 22:46
Ադրբեջանի էներգետիկայի նախարար Փարվիզ Շահբազովն այցով մեկնել է Բելգիա՝ Եվրամիության էներգետիկայի հարցերով հանձնակատար Կադրի Սիմսոնի հրավերով։ Այստեղ նա մասնակցելու է էներգետիկ երկխոսության նիստին, գրում են ադրբեջանական լրատվամիջոցները։
«Նախարար Շահբազովը և նրա գլխավորած պատվիրակությունը կմասնակցեն Ադրբեջան-ԵՄ բարձր մակարդակի էներգետիկ երկխոսության հերթական հանդիպմանը, որը կանցկացվի մայիսի 2-ին Բրյուսելում»,- ասվում է Ադրբեջանի Էներգետիկայի նախարարության մամուլի ծառայության հաղորդագրության մեջ։
Գերատեսչության տվյալներով՝ հանդիպման ընթացքում նախատեսվում է քննարկել Հարավային գազային միջանցքի ընդլայնման, վերականգնվող էներգիայի և էներգաարդյունավետության ոլորտներում համագործակցության հարցեր, ինչպես նաև էներգետիկայի ոլորտում ԵՄ-ի և Ադրբեջանի միջև ռազմավարական գործընկերության մասին փոխըմբռնման հուշագրի իրականացումը։
Եվրոպական ներդրումային բանկի (ԵՆԲ) ու Վերակառուցման և զարգացման եվրոպական բանկի (ՎԶԵԲ) ներկայացուցիչները ևս մասնակցելու են Բրյուսելում կայանալիք էներգետիկ երկխոսությանը՝ ներկայացնելու Ադրբեջանում մաքուր էներգիայի զարգացմանն աջակցելու համար հասանելի ֆինանսական գործիքների ընդհանուր պատկերը։
Էմմա Չոբանյան
