19.02.2026 | 18:17
«Օրենքը պետք է հաղթանակի». Բրիտանիայի Չարլզ III թագավորը` եղբոր ձերբակալության մասին
Ամռանը Քիշնևում ակնկալվում է Փաշինյան-Ալիև հանդիպում
Քաղաքականություն
29.04.2023 | 12:18
Այս տարի Եվրոպական քաղաքական համայնքի գագաթնաժողովը նախատեսվում է անցկացնել Մոլդովայի մայրաքաղաք Քիշնևում։
Հիշեցնենք` այս գագաթնաժողովն առաջին անգամ անցկացվեց 2022 թվականին, Պրահայում։ Միջոցառումն այս տարի նախատեսված է ամռանը։
Երեկ Երևանում գտնվող Ֆրանսիայի ԱԳ նախարար Կատրին Կոլոնան հույս հայտնեց, որ այս գագաթնաժողովի ժամանակ` ինչպես նախորդ տարի, տեղի կունենա Փաշինյան-Ալիև հանդիպումը։
Նշենք, որ Պրահայում այն կայացել էր քառակողմ ֆորմատով` Ֆրանսիայի նախագահ Էմանուել Մակրոնի և ԵՄ խորհրդի նախագահ Շառլ Միշելի մասնակցությամբ։ Այդ օրը Փաշինյանն առաջին անգամ հանդիպել էր նաև Էրդողանին։
Պաշտոնական Երևանը դեռ չի հստակեցնում` Հայաստանն ինչ մակարդակով է մասնակցելու Եվրոպական քաղաքական համայնքի գագաթնաժողովին։
Նարեկ Կիրակոսյան
