05.11.2024 | 14:33
Պեսկովը հայտարարել է, թե Կրեմլը Մայա Սանդուին չի ճանաչում Մոլդովայի նախագահ
Պուտինը ստորագրել է ՀԱՊԿ կանոնադրության մեջ փոփոխությունների մասին օրենք
Քաղաքականություն
28.04.2023 | 18:08
ՌԴ նախագահ Վլադիմիր Պուտինը ստորագրել է ՀԱՊԿ կանոնադրության փոփոխությունների մասին օրենքը, ըստ որի՝ կազմակերպությունների անդամները փոխգործակցում են, այդ թվում՝ կենսաբանական անվտանգության ոլորտում։
Համապատասխան փաստաթուղթը հրապարակված է իրավական տեղեկատվության պաշտոնական պորտալում։
«Չորրորդ արձանագրությունը նախատեսում է, որ ՀԱՊԿ անդամ երկրները փոխգործակցում են, այդ թվում՝ կենսաբանական անվտանգության ոլորտում, բացի այդ, սահմանում է ՀԱՊԿ Հավաքական անվտանգության խորհրդի որոշմամբ ՀԱՊԿ գլխավոր քարտուղարի լիազորությունների վաղաժամկետ դադարեցման հնարավորությունը»,- ասված է փաստաթղթի բացատրական գրության մեջ։
Օրենքը նախատեսում է 2002 թվականի հոկտեմբերի 7-ի ՀԱՊԿ կանոնադրության մեջ փոփոխությունների մասին չորրորդ արձանագրության վավերացումը, որը ստորագրվել է 2022 թվականի օգոստոսի 26-ին։
Տաթև Ֆռանգյան
