24.02.2026 | 21:51
900 հազար դոլար՝ անորակ սալիկների ու չորացած տույաների համար․ ինչո՞ւ է ստել Երևանի քաղաքապետարանը. ՏԵՍԱՆՅՈՒԹ
Վատառողջ Էրդողանը Պուտինի հետ տեսակապով մասնակցում է «Աքքույու» ԱԷԿ-ի միջոցառմանը
Քաղաքականություն
27.04.2023 | 17:47
Թուրքիայի և Ռուսաստանի նախագահներ Ռեջեփ Թայիփ Էրդողանն ու Վլադիմիր Պուտինը տեսակապով մասնակցում են Միջերկրական ծովի ափին Մերսին նահանգում կառուցվող թուրքական «Աքքույու» ատոմակայանում միջուկային վառելիքի բեռնման արարողությանը։ Թուրքական լրատվամիջոներն ուղիղ եթերում հեռարձակում են միջոցառումը։
Հավելենք, որ Էրդողանն անձամբ պետք է մասնակցեր միջոցառմանը, սակայն առողջական խնդիրների պատճառով որոշել է մասնակցել տեսակապի միջոցով։ Միջոցառումից առաջ Էրդողանն ու Պուտինը նաև հեռախոսազրույց են ունեցել։
Նշենք, որ նախօրեին չհաստատված լուրեր էին շրջանառվում, որ Էրդողանը սրտամկանի կաթված է ստացել և գտնվում է հիվանդանոցում՝ ծանր վիճակում։ Այս տեղեկությունը, սակայն, հերքել են Թուրքիայի նախագահականը, ինչպես նաև փոխնախագահ Ֆուադ Օքթայը։
Էմմա Չոբանյան
