05.11.2024 | 09:40
Բյուջե-2025-ի նախագծի քննարկումները ԱԺ հանձնաժողովներում՝ ՈՒՂԻՂ
Զելենսկին հայտնել է Սի Ցզինպինի հետ «երկար ու բովանդակալից» զրույցի մասին
Քաղաքականություն
26.04.2023 | 17:09
Ուկրաինայի նախագահ Վլադիմիր Զելենսկին հեռախոսազրույց է ունեցել Չինաստանի առաջնորդ Սի Ցզինպինի հետ։ Այս մասին Ուկրաինայի ղեկավարը հայտնել է Twitter-ում գրառմամբ։
«Ես երկար, բովանդակալից հեռախոսազրույց եմ ունեցել Չինաստանի նախագահ Սի Ցզինպինի հետ: Կարծում եմ, որ այն, ինչպես նաև Չինաստանում Ուկրաինայի դեսպանի նշանակումը, հզոր խթան կհաղորդեն մեր երկկողմ հարաբերությունների զարգացմանը»,- գրել է Զելենսկին։
Իր հերթին Զելենսկիի խոսնակ Սերգեյ Նիկիֆորովը Facebook-ում գրել է, որ Սի Ցզինպինի հետ բանակցությունները տևել են գրեթե մեկ ժամ, իսկ ավելի ուշ խոստացել է հայտնել մանրամասներ։
Ավելի վաղ արևմտյան լրատվամիջոցները հայտնել էին Զելենսկիի և Սի Ցզինպինի հնարավոր զրույցի մասին՝ վերջինիս Մոսկվա կատարած այցի ֆոնին։ Բայց բանակցություններն այդպես էլ տեղի չէին ունեցել։
Հաղորդվել է նաև, որ Սի Ցզինպինը բարդ է անվանել ուկրաինական պատերազմի պատճառները։
BBC-ի ռուսական ծառայության հաղորդմամբ էլ՝ Սի Ցզինպինը Զելենսկիին վստահեցրել է, որ Չինաստանը չեզոք է ուկրաինական հակամարտությունում և խաղաղության կողմնակից է։ Նա ընդգծել է, որ պատերազմից միակ ելքը բանակցություններն են։
Տաթև Ֆռանգյան
