04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
Չավուշօղլուն Ցեղասպանության տարելիցի կապակցությամբ Ջո Բայդենի ուղերձը «քաղաքական շառլատանների կողմից պատմությունը խեղաթյուրելու փորձ» է անվանել
Քաղաքականություն
24.04.2023 | 17:41
Թուրքիայի ԱԳ նախարար Մևլութ Չավուշօղլուն արձագանքել է ԱՄՆ նախագահ Ջո Բայդենի՝ Հայոց ցեղասպանության 108-րդ տարելիցին նվիրված ուղերձին։
«Պատմությունը խեղաթյուրելու ևս մեկ փորձ քաղաքական շառլատանների կողմից: Քաղաքական հայտարարությունները չեն կարող փոխել փաստերը։ Նրանք, որոնք օգուտ են ուզում ստանալ, հիշվելու են որպես երկերեսանիներ։ Ոչ ոք չի կարող թուրք մեծ ժողովրդին պատմության դասեր տալ»,- գրել է Չավուշօղլուն թվիթերյան իր էջում։
Հիշեցնենք, որ ԱՄՆ նախագահ Ջո Բայդենն Ապրիլի 24-ի կապակցությամբ հղած ուղերձում կրկին օգտագործել է «ցեղասպանություն» եզրույթը։
«Այսօր մենք հիշում ենք Մեծ եղեռնի՝ Հայոց ցեղասպանության ժամանակ կորսված կյանքերը և վերականգնում ենք այն երբեք չմոռանալու մեր խոստումը: 1915 թվականի ապրիլի 24-ին Օսմանյան իշխանությունները ձերբակալեցին Կոստանդնուպոլսի հայ մտավորականներին և համայնքի ղեկավարներին, ինչը սկիզբ դրեց հայ համայնքի դեմ բռնության համակարգված արշավին: Հետագա տարիներին մեկուկես միլիոն հայեր տեղահանվեցին, կոտորվեցին կամ մահվան երթի դուրս եկան․ ողբերգություն, որն ընդմիշտ ազդեց հայ ընտանիքների սերունդների վրա: Այսօր մենք միանում ենք աշխարհի ազգերին՝ հիշելու այս ցավալի պատմությունը, մենք նաև անդրադառնում ենք հայ ժողովրդի տոկոնությանն ու վճռականությանը»,-ասվում է Սպիտակ տան տարածած հայտարարության մեջ։
Էմմա Չոբանյան
