Միջազգային մամուլի անդրադարձը՝ Հայոց ցեղասպանության 108-րդ տարելիցին

Լուրեր

23.11.2026 | 02:06
Հենրիխ Մխիթարյանը մասնակցել է «Ինտերի»՝ 4:4 հաշվով ավարտված խաղին. ՏԵՍԱՆՅՈՒԹ
22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
Բոլորը

Միջազգային մամուլն անդրադարձել է Հայոց ցեղասպանության 108-րդ տարելիցին։ Այսպես, Euronews-ը տեսանյութ է պատրաստել, որում ներկայացնում է, որ ապրիլի 23-ին հարյուրավոր հայեր Երևանի կենտրոնից ջահերով քայլերթի են դուրս եկել, այրել են Թուրքիայի և Ադրբեջանի դրոշներն ու նվագախմբի ուղեկցությամբ քայլել մայրաքաղաքի փողոցներով։

Լրատվականը նշում է, որ քայլերթն ավանդական է, տեղի է ունենում ամեն տարի։ Նշվում է նաև, որ թեև Թուրքիան ընդունում է, որ այդ ժամանակաշրջանում շատերն են զոհվել, սակայն մերժում է «ցեղասպանություն» եզրույթը՝ ասելով, թե «զոհերի թիվն ուռճացված է, իսկ մահերը գրանցվել են Օսմանյան կայսրության փլուզման ժամանակ քաղաքացիական անկարգությունների հետևանքով»:

Հայոց ցեղասպանության մասին գրքի հեղինակ, Մադրիդի CEU San Pablo համալսարանի դասախոս, քաղաքական վերլուծաբան, լրագրող Ռիկարդո Ռուիս դե լա Սերնան էլ The Diploman in Spain-ում հոդված է հրապարակել, որում գրել է, որ լրանում է Հայոց ցեղասպանության 108-րդ տարելիցը՝ Օսմանյան կայսրության հայ համայնքների ոչնչացումը Միջերկրական ծովի ափից մինչև Արևելյան Հայաստան, ներառյալ Օսմանյան կայսրության կազմում գտնվող պատմական Հայաստանի վեց նահանգները՝ Վանը, Էրզրումը, Խարբերդը, Բիթլիսը, Դիարբեքիրը և Սիվասը։

Ըստ հոդվածի հեղինակի՝ Կոստանդնուպոլսում հայ մտավորականների դեմ, որոնց թվում է, օրինակ, մեծ երաժիշտ Կոմիտաս Վարդապետը, զանգվածային արշավը և Զմյուռնիայի (Իզմիր) հրկիզումը, խորհրդանշական կերպով նշանավորում են այն, ինչ հայերն անվանել են «աղետ»։

Ցեղասպանության մանրամասն նկարագարությունից հետո Լա Սերնան գրում է, որ 108 տարի առաջ իրագործված Հայոց ցեղասպանությունը շարունակում է ստվեր գցել մեր ժամանակների վրա։

«Մեր ժամանակի ժողովրդավարական պետությունների պարտականությունն է՝ թույլ չտալ, որ ցեղասպանության պատմությունը կրկնվի այս ժողովրդի կամ որևէ այլ ժողովրդի հետ»,- ասվում է հոդվածում:

ՌԻԱ Նովոստին ևս անդրադարձել է Հայոց ցեղասպանություը՝ նշելով ջահերով երթի մասին։ Ռուսական պետական լրատվականը նշել է, որ տասնյակ հազարավոր մարդիկ են մասնակցել երթին, որն ընթացել է առանց միջադեպի, և որ քայլերթի մասնակիցների մի մասը գիշերն անցկացրել է Ծիծեռնակաբերդի հուշահամալիրում։

Տաթև Ֆռանգյան