24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Սերգեյ Լավրովը ժամանել է Նյու Յորք
Քաղաքականություն
24.04.2023 | 13:56
Ռուսաստանի արտգործնախարար Սերգեյ Լավրովը ժամանել է Նյու Յորք, որտեղ ապրիլի 24-ին և 25-ին մասնակցելու է ՄԱԿ-ի Անվտանգության խորհրդի նիստին։ Այս մասին հայտնել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է ՏԱՍՍ-ը։
«Սերգեյ Լավրովը ժամանել է Նյու Յորք։ Վաղը նրա նախագահությամբ տեղի կունենա ՄԱԿ-ի Անվտանգության խորհրդի նիստը»,- գրել է նա իր Telegram-ալիքում։
Նախատեսվում է, որ Լավրովը կհանդիպի ՄԱԿ-ի գլխավոր քարտուղար Անտոնիո Գուտերեշի հետ։
Ավելի վաղ ՄԱԿ-ում Ռուսաստանի Դաշնության մշտական ներկայացուցիչ Վասիլի Նեբենզյան հայտարարել էր, որ Ռուսաստանը քննարկելու շատ թեմաներ ունի։
Բացի այդ, ռուս նախարարը մի քանի երկրների արտգործնախարարների, այդ թվում՝ ԱՄՆ պետքարտուղար Էնթոնի Բլինքենին հրավիրել է մասնակցելու ՄԱԿ-ի Անվտանգության խորհրդի նիստերին, որոնք նախագահում է ՌԴ-ն։ Լավրովի և Բլինքենի դեմ առ դեմ շփումների հարցը կազմակերպության կենտրոնակայանում դեռևս չեն հստակեցրել։
Տաթև Ֆռանգյան
