26.11.2024 | 12:29
ԱՄՆ-ում Դոնալդ Թրամփի դեմ երկու քրեական գործ է կարճվել
Արշավի նպատակը հող նախապատրաստելն է Արցախի դեմ հնարավոր սադրանքների համար․ ԱՀ ԱԳՆ
23.04.2023 | 00:26
Արցախի Հանրապետության ԱԳՆ տեղեկատվության և հասարակայնության հետ կապերի վարչությունը արձագանքել է Ադրբեջանի ՊՆ-ի տարածած ապատեղեկատվությանը․
«Ադրբեջանի ՊՆ հերթական սադրիչ հայտարարությունն այն մասին, թե իբր այսօր Շուշիի շրջանում ադրբեջանական բանակի ռազմական բեռնատար է պայթել հայկական կողմի հատուկ տեղադրած ականների վրա, բացարձակ սուտ է և չի համապատասխանում իրականությանը: Այս հայտարարությանը նախորդել էր ապատեղեկատվություն պարունակող մեկ այլ հաղորդագրություն, որում, մասնավորապես, ասվում էր, թե իբր ռուս խաղաղապահների ուղեկցությամբ Հայաստանից Արցախ ռազմամթերք է տեղափոխվել:
Վերոնշյալ հայտարարությունների բովանդակային հաջորդականությունը հստակ ընդգծում է Ադրբեջանի կողմից վարվող կեղծ տեղեկատվական արշավի նպատակը. այն է՝ հող նախապատրաստել Արցախի Հանրապետության դեմ հնարավոր սադրանքների համար»:
Ավելի վաղ ադրբեջանական կողմի հայտարարությանն էր անդրադարձել նաև Արցախի պետնախարար Արտակ Բեգլարյանը։
