05.11.2024 | 11:54
«Կոնյակ» բառից հրաժարվում ենք, նոր անունն է` «Armenian brandy»․ Գևորգ Պապոյան․ ՏԵՍԱՆՅՈՒԹ
Զելինսկին հայտարարել է ՆԱՏՕ-ի հետ հարաբերությունների նոր փուլի մասին
Քաղաքականություն
20.04.2023 | 20:23
Ուկրաինայի նախագահ Վլադիմիր Զելենսկին հանդիպել է Ուկրաինա ժամանած ՆԱՏՕ-ի գլխավոր քարտուղար Յենս Ստոլտենբերգի հետ։ Այս մասին Korrespondent-ի փոխանցմամբ հայտնել է Ուկրաինայի ղեկավարի մամուլի ծառայությունը։
«Պարոն գլխավոր քարտուղարի այս այցը, որն առաջինն է լայնամասշտաբ պատերազմի ընթացքում, մենք մեկնաբանում ենք որպես նշան, որ դաշինքը պատրաստ է Ուկրաինայի հետ հարաբերություններում նոր գլուխ սկսել՝ հավակնոտ որոշումների գլուխ», – ասել է Զելենսկին Կիևում Ստոլտենբերգի հետ բանակցությունների արդյունքներով ասուլիսի ժամանակ։
Նա շնորհակալություն է հայտնել ՆԱՏՕ-ի գլխավոր քարտուղարին օկուպացիայից ազատագրված քաղաքներ և համայնքներ այցելելու համար։
«Ողջ Եվրոպային և աշխարհին անհրաժեշտ է հստակ գիտակցում, որ միայն Ուկրաինայի հաղթանակը կփրկի մյուս պետություններին և ժողովուրդներին այնպիսի սարսափելի ավերածություններից, կորուստներից և մահերից, որոնք Ռուսաստանը բերեց մեր հողին», – ասել է նա:
Տեղեկացվում է, որ հանդիպման ընթացքում կողմերը բարձրացրել են չորս հիմնական հարց՝ ապրիլի 21-ին կայանալիք Ռամշտեյնի ձևաչափով Ուկրաինայի պաշտպանության խմբի հանդիպումը, որոշակի տեսակի զենքերի մատակարարման խթանումը, ՆԱՏՕ-ի Վիլնյուսի գագաթնաժողովի նախապատրաստումը, որին հրավիրված է նաև Ուկրաինան, դաշինքին անդամակցելու ճանապարհին Ուկրաինայի համար անվտանգության երաշխիքները։
