09.09.2026 | 15:51
Զարուհի Բաթոյանն ընտրվեց Առողջապահության հարցերի մշտական հանձնաժողովի փոխնախագահ․ ՏԵՍԱՆՅՈւԹ
Տեղ գյուղի հատվածում պրոբլեմատիկ հատվածը 3.6 կմ է. Նիկոլ Փաշինյան․ ՏԵՍԱՆՅՈՒԹ
Քաղաքականություն
20.04.2023 | 14:29
«Տեղ գյուղի հատվածում 5 կմ խնդրահարույց հատվածից 1.4 կմ-ը ճշգրտվել է, սահմանապահներն իրար հետ աշխատել են ու տեղակայվել որոշակի հեռավորության վրա»,- այս մասին այսօր ԱԺ-ում՝ լրագրողների հետ ճեպազրույցի ժամանակ, ասաց ՀՀ վարչապետ Նիկոլ Փաշինյանը՝ պատասխանելով այն հարցին, թե Տեղ գյուղում անվտանգային առումով ի՞նչ իրավիճակ է:
«Մենք այնտեղ ունենք 11 կմ հատված, 11 կմ-ից 5 կմ հատվածը մենք համարում էինք և համարել ենք պրոբլեմատիկ: Այսօրվա դրությամբ ես կարող եմ ասել, որ այդ պրոբլեմատիկ հատվածը կրճատվել է ևս 1.4 կմ-ով: Դա նշանակում է, որ ևս այդքան սահման ճշգրտվել է: Ի՞նչ է նշանակում սահմանը ճշգրտվել է. դա նշանակում է, որ և՛ մենք, և՛ ադրբեջանցիներն այդ կետի վերաբերյալ ունենք ընդհանուր կարծիք, որ մեր սահմանային գիծն անցնում է այստեղով: Դա նշանակում է նաև, որ հայաստանցի սահմանապահները տեղակայվում են այդ սահմանից որոշակի հեռավորության վրա, ադրբեջանցի սահմանապահները՝ այդ սահմանից որոշակի հեռավորության վրա»,- ասաց Փաշինյանը:
Վարչապետի խոսքով՝ ադրբեջանցիները գտնվում էին Հայաստանի տարածքում: «Նախկինում իմ արած հայտարարությամբ այդ պրոբլեմատիկ հատվածը 5 կմ-ից ավելի էր, հիմա այդ 5 կմ-ը դարձել է 3.6: Այսինքն՝ սահմանապահներն իրար հետ աշխատել են, սահմանային կետը ճշգրտել են ու տեղակայվել որոշակի հեռավորության վրա»,- նշեց նա:
Կառավարության ղեկավարի խոսքով՝ փորձը ցույց է տալիս, որ երբ սահմանապահներն են իրար հետ աշխատում, դա որոշակի արդյունքների կարող է բերել. «Հայկական կողմը հույս ունի, որ մնացած 3.6 կմ հատվածն էլ կճշգրտվի, և թեման կամփոփվի»:
Մանրամասները՝ տեսանյութում։
