05.11.2024 | 12:06
Վրաստանում ընդդիմադիր ուժերը պայմանավորվել են անժամկետ բողոքի ցույցեր անցկացնել
Չնայած Էրդողանի պնդումներին՝ Բրիտանիան հերքում է, թե Թուրքիայի հետ բանակցություններ է վարում սուզանավերի կառուցման շուրջ
Քաղաքականություն
20.04.2023 | 15:26
Միացյալ Թագավորությունը ներկայումս բանակցություններ չի վարում Թուրքիայի հետ՝ աջակցելու սուզանավերի կառուցմանը, գրում է Breaking Defense-ը։ Երեքշաբթի Ստամբուլում Էրդողանը հայտարարել էր, թե «Մեծ Բրիտանիան պատրաստ է համագործակցել թուրքական կողմի հետ սուզանավերի կառուցման հարցով»։ Թագավորական նավատորմի խոսնակը Breaking Defence-ին ասել է, որ «ոչ ոք ոչինչ չգիտի թուրքական քննարկումներից», ներառյալ՝ Մեծ Բրիտանիայի սուզանավերի գործակալության, պաշտպանության միջուկային կազմակերպության և BAE Systems նավաշինության թիմերը։
Ըստ Սիդհարթ Քաուշալի՝ Մեծ Բրիտանիայում տեղակայված Royal United Services Institute պաշտպանական վերլուծական կենտրոնի գիտաշխատողի, թեև Մեծ Բրիտանիայի ռազմածովային գործակալությունները բանակցություններ չեն վարում սուզանավերի հետ կապված հարցերի շուրջ, վերջին մի քանի տարիների ընթացքում բրիտանական պաշտպանկան ոլորտի պաշտոնյաների մի շարք «բարձր մակարդակի այցեր են տեղի ունեցել Թուրքիա»:
Նա ասել է, որ պաշտպանական ոլորտում համագործակցությունը խստացվել էր այն բանից հետո, երբ Մեծ Բրիտանիան չեղարկել էր զենքի արտահանման սահմանափակումները, որոնք ի սկզբանե կիրառվել էին Թուրքիային 2019 թվականին Սիրիայի հյուսիս-արևմուտքում Անկարայի ռազմական գործողություններից հետո:
Էմմա Չոբանյան
