26.02.2026 | 11:20
Մենք և մեր մամուլը շատ անելիքներ ունենք թերությունները շտկելու համար, որոնք չափից շատ են. Ռուբինյան․ ՏԵՍԱՆՅՈՒԹ
Գարի Կասպարովը պարգևատրվել է գերմանական ԶԼՄ-ների ազատության մրցանակով
Քաղաքականություն
20.04.2023 | 12:09
Շախմատի աշխարհի նախկին չեմպիոն, «Ազատ Ռուսաստան» ֆորումի համահիմնադիր, «օտարերկրյա գործակալ» հռչակված Գարրի Կասպարովը դարձել է գերմանական ԶԼՄ-ների ազատության մրցանակի 2023 թվականի հաղթող, գրում է DW-ի ռուսական ծառայութունը։
Մրցանակը «նվիրված է Ռուսաստանի խիզախ դեմոկրատական ընդդիմությանը» և Կասպարովին կհանձնվի «բոլոր այն մարդկանց համար, ովքեր հանդես են գալիս հանուն խաղաղության, ազատության և ժողովրդավարության պայմաններում Ռուսաստանի ապագայի՝ հաճախ իրենց կյանքը վտանգի ենթարկելով», հայտնել է Weimer Media Group-ը (WMG):
«Կասպարովը ռուսական ընդդիմության ամենահայտնի ակտիվիստներից է, որը վտանգում է իր կյանքը խաղաղության և ժողովրդավարության համար պայքարում», – հայտարարել է ժյուրին։ Մրցանակը կհանձնվի մայիսի 4-ին Բավարիայում։
Լրատվամիջոցների ազատության մրցանակը շնորհվում է այն հասարակական գործիչներին, ովքեր հատկապես հավատարիմ են արտահայտվելու ազատությանը, սոցիալական փոխգործակցությանը, քաղաքական երկխոսությանը և ժողովրդավարությանը: Այս տարի այն կշնորհվի արդեն իններորդ անգամ։
