08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Փաշինյանի թիկնապահը խոչընդոտել է լրագրողի աշխատանքը․ Անդրեասյանը՝ բուհական քաղաքի տեղի մասին․ Լուրեր
19.04.2023 | 19:15
- Ակադեմիկական քաղաքում կարող են լինել 44 հազար ուսանող ու դասախոս․ Ազգային ժողովում այս մասին ասել է ԿԳՄՍ նախարար Ժաննա Անդրեասյանը։ Նախարարի խոսքով՝ ակադեմիական քաղաքը կազմված կլինի 3 կլաստերներից՝ Հայֆիլմի տարածքում նախատեսվում է արվեստների կլաստերը, Աշտարակի Ֆիզիկայի տարածքում տեխնոլոգիական կլաստերը, երրորդ կլաստերում կտեղակայվեն սպայական, կրթական բուհերը, նաև գուցե միջպետական, միջազգային բուհեր։ Քննարկվում է նաև այդ տարածքում ազգային ստադիոնի կառուցման ծրագիրը։
- Ազգային ժողովում այսօր լրագրողների աշխատանքի սահմանափակման հերթական դեպքն է գրանցվել։ Խորհրդարանում հավատարմագրված Factor TV-ի լրագրողը փորձել է լրագրողների համար նախատեսված օթյակից բջջային հեռախոսով տեսանկարահանել ԱԺ դահլիճում գտնվող Նիկոլ Փաշինյանին։ Սակայն, նկարահանումը խոչընդոտվել է Նիկոլ Փաշինյանի անվտանգության աշխատակցի կողմից։ Նա, մասնավորապես, արգելել է Factor TV-ի լրագրողին վարչապետին նկարահանել խոշոր պլանով՝ zoom-ով։
- «Հանրային ձայն» կուսակցության ղեկավարներին առնչվող՝ առանձնապես խոշոր չափերով շորթում կատարելու վերաբերյալ քրեական վարույթով երեք անձ կալանավորվել է: կուսակցության ղեկավարներ Վարդան Ղուկասյանի և Արտակ Գալստյանի նկատմամբ հանրային քրեական հետապնդում էր հարուցվել խմբի կազմում առանձնապես խոշոր չափերով շորթում կատարելու համար։
Այս ժամի լուրերը՝ տեսանյութում։
