24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ՌԴ կողմից գրավված Զապորոժիեի ԱԷԿ-ում կան ամերիկյան ծագման զգայուն տվյալներ միջուկային տեխնոլոգիաների ոլորտում․ CNN
Քաղաքականություն
19.04.2023 | 14:00
Ռուսաստանի կողմից օկուպացված Զապորոժիեի ատոմակայանը պարունակում է ամերիկյան ծագման զգայուն տվյալներ միջուկային տեխնոլոգիաների ոլորտում։ Այս մասին հայտնել է ամերիկյան CNN հեռուստաալիքը։
Նշվում է, որ էներգետիկայի նախարարությունը զգուշացրել է «Ռոսատոմին», որ ամերիկյան նշված տեխնոլոգիայի հետ աշխատանքը ՌԴ ցանկացած քաղաքացու կամ կազմակերպության համար «ապօրինի» է։ Ապրանքները, ծրագրային ապահովումն ու տեխնոլոգիաները ենթակա են ԱՄՆ կողմից արտահանման վերահսկաման, եթե դրանց կիրառումը կարող է վնաս հասցնել Միացյալ Նահանգների ազգային անվտանգությանը, պարզաբանվում է հրապարակման մեջ։ Արդյո՞ք ռուսական պետական կորպորացիան արձագանքել է այս կոչին, հոդվածում անդրադարձ չկա։
ԱՄՆ էներգետիկայի նախարարության միջուկային էներգիայի վարչությունն աջակցել է ԶԱԷԿ-ի շահագործմանը մինչ պատերազմը, հիշեցնում է CNN-ը։ 2021 թվականի հունիսին գերատեսչությունն իր կայքէջում հայտնել էր, որ «ԱՄՆ-ն օգնել է ռեակտորի սպասարկման և շահագործման նոր ընթացակարգերի իրականացմանը, որոնք, ի վերջո, պետք է ուժեղացնեն Ուկրաինայի էներգետիկ անվտանգությունը»։
