24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Եգիպտոսը հրաժարվել է ՌԴ-ին հրթիռների գաղտնի մատակարարման ծրագրից ու Ուկրաինայի համար հրետանային զինամթերք կարտադրի
Քաղաքականություն
18.04.2023 | 14:56
Եգիպտոսը հրաժարվել է ՌԴ-ին հրթիռների գաղտնի մատակարարման ծրագրից անցյալ ամիս ԱՄՆ բարձրաստիճան պաշտոնյաների հետ բանակցություններից հետո և որոշել է Ուկրաինայի համար հրետանային զինամթերք արտադրել: Այս մասին հայտնում է The Washington Post-ը։
Ավելի վաղ հրատարակությունը հայտնել էր մեկ այլ փաստաթղթի մասին, որում ներկայացված էր Եգիպտոսի նախագահ Աբդել Ֆաթահ աս-Սիսիի գաղտնի սխեման Ռուսաստանին մինչև 40,000 122 մմ Սակր-45 հրթիռներ մատակարարելու վերաբերյալ, որոնք կարող են օգտագործվել ռուսական հրթիռային կայանքների համար: Նա, իբր, հրահանգել է իր ենթականերին գաղտնի պահել նախագիծը՝ «Արևմուտքի հետ խնդիրներից խուսափելու համար»։
Այնուամենայնիվ, ԱՄՆ հետախուզության հինգ արտահոսած փաստաթղթերի համաձայն Սիսին մարտի սկզբին հրաժարվել է Մոսկվային մատակարարման ծրագրերից, չնայած այն հանգամանքին, որ Եգիպտոսը երկարամյա դիվանագիտական և ռազմական հարաբերություններ ունի Ռուսաստանի հետ: Եգիպտոսը տասնամյակներ շարունակ եղել է Ամերիկայի գլխավոր դաշնակիցը Մերձավոր Արևելքում և տարեկան ստանում է ավելի քան 1 միլիարդ դոլար ԱՄՆ ռազմական օգնություն:
