14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՆԱՏՕ-ն փոխել է իր պաշտպանական հայեցակարգը․ NYT
Քաղաքականություն
18.04.2023 | 20:12
ՆԱՏՕ-ն որոշել է վերանայել իր արևելյան սահմանների պաշտպանության հայեցակարգը։ The New York Times (NYT) թերթը, հղում կատարելով իր աղբյուրներին, գրում է դաշինքի անդամ որևէ երկրի դեմ հնարավոր ագրեսիային արձագանքելու՝ ՆԱՏՕ-ի պաշտպանական հայեցակարգի սկզբունքի փոփոխության մասին։ Պատասխան հարվածի միջոցով զսպման հայեցակարգը փոխվում է մեկ այլ հայեցակարգով՝ զսպում՝ հարվածը թույլ չտալու միջոցով, գրում է NYT-ն։
Եթե նախկինում ՆԱՏՕ-ն, անդամ երկրներից մեկի վրա անսպասելի հարձակման դեպքում հնարավոր էր համարում իր տարածքների մի մասին ժամանակավոր օկուպացիա՝ ՆԱՏՕ-ի զորքերի կողմից հետագա ազատագրմամբ, ապա նոր հայեցակարգը ենթադրում է, որ դաշինքը կձգտի թույլ չտալ իր տարածքի թեկուզ փոքր մասի օկուպացիա։
NYT-ն գրում է, որ Ուկրաինայի օկուպացված տարածքներում՝ Բուչայից ու Իրպենից մինչև Մարիուպոլ ու Խերոսն, ՌԴ կողմից վայրագություններից հետո, ՌԴ հետ սահմանակից Բալթյան երկրներն ու Լեհաստանը դեմ են հանդես գալիս անգամ կարճ ժամանակով ՌԴ օկուպացիային։ Նրանց փաստարկն այն է, որ Ուկրաինա ներխուժման առաջին օրը ՌԴ զորքերն այնքան տարածք զբաղեցրեցին, որը իր մակերեսով գերազանցում է որոշ Բալթյան երկրների տարածքը։
