11.09.2026 | 10:18
ՊԵԿ-ն ու Ուզբեկստանի մաքսային ծառայությունը համագործակցության հուշագիր են ստորագրել
Ժամանակավոր կառույց է, որտեղ ձկնորսությամբ եմ զբաղվում․ Արամ Հարությունյանը` Սևանի ափին իր առանձնատան մասին
04.07.2017 | 16:56
Ազգային ժողովի Հանրապետական խմբակցության (ՀՀԿ) պատգամավոր Արամ Հարությունյանը պնդում է, որ Շորժայից դեպի Արտանիշի արգելոց տանող ճանապարհին գտնվող իր առանձնատունը ընդամենը ժամանակավոր կառույց է և իրենից ոչ մի վտանգ չի ներկայացնում՝ պատասխանելով ընդդիմադիր «Ելք» խմբակցության պատգամավոր Լենա Նազարյանի հնչեցրած մտահոգություններին.«Առանձնատունը գտնվում է 1900 մետր բացարձակ նիշի վրա։ Մինչդեռ 1903 մետրը այն նիշն է ցամաքի վրա, որից դեպի ջուրը տանող տարածքը պետք է ազատ լինի ջրի տակ անցնելու համար։ Այս կառուցապատումը ժամանակին օրենքի կոպիտ խախտում էր։ Իսկ հիմա պարզ է, որ Սևանա լճի ջրառի վերաբերյալ հարակից զեկուցողի ներկայացրած ցանկացած տվյալ, հավատ չի ներշնչում»,- խորհրդարանի ամբիոնից հայտարարել էր Լենա Նազարյանը՝ «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրինագծի քննարկման ժամանակ։
«Ժամանակավոր կառույց է , տնակ, որն իրենից վտանգ չի ներկայացնում, ջրի բարձրացումը չի կարող խոչընդոտ հանդիսանալ ժամանակավոր կառույցի համար։ Այնտեղ շքեղ առանձնատուն կառուցելու նպատակ չկա, գնացողն էլ պետք է կամ ձկնորսության, կամ ձիավարության կամ բնության հետ հետ սեր ունենա»,- հակադարձելով ընդդիմադիր պատգամավորին՝ արդարացավ Արամ Հարությունյանը։
Շողիկ Գալստյան
