24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ֆրանսիայում կրկին բողոքի ցույցեր են՝ ընդդեմ կենսաթոշակային բարեփոխումների
Քաղաքականություն
18.04.2023 | 12:06
Ֆրանսիայի մի շարք քաղաքներում երկուշաբթի օրը՝ ապրիլի 17-ին, նախագահ Էմանուել Մակրոնի կենսաթոշակային բարեփոխումների դեմ բողոքի զանգվածային ցույցերի ժամանակ տեղի են ունեցել անկարգություններ և բախումներ ցուցարարների և ոստիկանության միջև, գրում է DW-ի ռուսական ծառայությունը։
Ակցիաներ են նացկացվել Փարիզում, Լիոնում, Բորդոյում, Մարսելում, Ռենում և Ֆրանսիայի այլ քաղաքներում։ Le Figaro թերթի փոխանցմամբ՝ Լիոնում ցուցարարներն օգտագործել են ճայթրուկներ, Ռենում ոստիկանությունը ստիպված է եղել կիրառել արցունքաբեր գազ ու ջրցան մեքենաներ։ Բորդոյի պրեֆեկտուրան հայտնում է ցուցարարների կողմից աղբամանների հրկիզման երեսուն դեպքի մասին: Փարիզում, ըստ Le Figaro-ի, ապրիլի 17-ի երեկոյան 11 ձերբակալություն է իրականացվել։
Ավելի վաղ Ֆրանսիայի նախագահ Էմանուել Մակրոնը հեռուստատեսային ուղերձում հայտարարել էր երկիրը միավորելու, այսպես կոչված, «100 օրվա ծրագիրը» իրականացնելու մտադրության մասին։ Այս ծրագրի շրջանակներում Ֆրանսիայի վարչապետ Էլիզաբեթ Բորնը պետք է առաջարկներ պատրաստի աշխատանքային պայմանների, անվտանգության, կրթության և առողջության վերաբերյալ, ասել է նա։ Մակրոնի խոսքով՝ այս աշխատանքի արդյունքները պետք է տեսանելի լինեն հուլիսի 14-ին նշվող ազգային տոնը՝ Բաստիլի գրավման օրը։
