Քաղաքականություն
17.04.2023 | 16:39
Եվրահանձնաժողովի (ԵՀ) նախագահ Ուրսուլա ֆոն դեր Լեյենը հայտարարել է, որ դեռևս չի որոշել՝ իր թեկնածությունը կրկին առաջադրելու է, թե ոչ ԵՀ ղեկավարի պաշտոնում, գրում է ՏԱՍՍ-ը։
«Եվրոպական ընտրությունները տեղի կունենան ավելի քան մեկ տարի հետո, ամսաթիվը դեռ որոշված չէ»,- երկուշաբթի օրը Բեռլինում լրագրողներին ասել է ֆոն դեր Լեյենը։ «Դեռ որոշում չեմ կայացրել»,- ասել է քաղաքական գործիչը՝ պատասխանելով հարցին՝ կրկին առաջադրվելո՞ւ է ԵՀ նախագահի պաշտոնում։
«Ինձ համար սա շատ կարևոր է, և այդ պատճառով այս կրիտիկական ժամանակներում կարևոր է միասնությունը և ուժեղ Եվրամիությունը և այդ իսկ պատճառով այժմ ժամանակը չէ այս հարցին պատասխանելու»,- հայտարարել է Ֆոն դեր Լեյենը՝ հավելելով, որ իր որոշման մասին կհայտարարի «երբ ժամանակը գա»։ Հիշեցնենք՝ Ֆոն դեր Լեյենը Եվրահանձնաժողովի նախագահ է ընտրվել 2019 թվականի հուլիսի 2-ին։
