16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Ռուս ընդդիմադիր գործիչ Վլադիմիր Կարա-Մուրզան դատապարտվել է 25 տարվա ազատազրկման
Քաղաքականություն
17.04.2023 | 15:00
Մոսկվայի քաղաքային դատարանը դատավճիռ է կայացրել ռուս ընդդիմադիր քաղաքական գործիչ, հրապարակախոս Վլադիմիր Կարա-Մուրզայի նկատմամբ։ Այսօր նա դատապարտվել է 25 տարվա ազատազրկման՝ 7 տարի՝ «ռազմական ֆեյքերի» գործով, 3 տարի՝ «անցանկալի» կազմակերպության գործունեությանը մասնակցելու համար, 18 տարի՝ պետական դավաճանության գործով, գրում է DW-ի ռուսական ծառայությունը։
Ապրիլի 10-ին վերջին խոսքով հանդես գալով՝ Կարա-Մուրզան ասել էր, որ «սիրում է Ռուսաստանը» և «ոչնչի համար չի զղջում»։
«Վերջին խոսքում սովորաբար արդարացում են պահանջում, հանցագործություն չգործած անձի համար միակ օրինական դատավճիռը կլինի արդարացումը, բայց ես այս դատարանից ոչինչ չեմ խնդրում։ Ես գիտեմ, որ կգա օրը, երբ մեր երկրի խավարը կցրվի, երբ սևը կասեն՝ սև, երբ պատերազմը կանվանեն պատերազմ, իսկ յուրանցնողին՝ յուրացնող, երբ հանցագործ կճանաչեն նրանց, որոնք հրահրել ու սանձազերծել են այս պատերազմը, այլ ոչ թե նրանց, որոնք փորձել են դադարեցնել»,-ասել էր նա։
Կարա-Մուրզան իրեն մեղավոր չի ճանաչում առաջադրված մեղադրանքներից և ոչ մեկում և իր հետապնդումը համարում է քաղաքական։ Կալանավայրում ընդդիմադիր գործչի առողջական վիճակը էականորեն վատթարացել է։ Փաստաբանների խոսքով՝ նա նիհարել է 17 կիլոգրամով։
Էմմա Չոբանյան
