05.11.2024 | 11:54
«Կոնյակ» բառից հրաժարվում ենք, նոր անունն է` «Armenian brandy»․ Գևորգ Պապոյան․ ՏԵՍԱՆՅՈՒԹ
Չնայած պատժամիջոցներին՝ մարտին ՌԴ-ից նավթի արտահանումը հասել է երեք տարվա գագաթնակետին
Քաղաքականություն
14.04.2023 | 19:53
Մարտին Ռուսաստանից նավթի արտահանումը գագաթնակետին է հասել երեք տարվա ընթացքում՝ չնայած Արևմուտքի կողմից սահմանված պատժամիջոցներին, գրում է DW-ի ռուսական ծառայությունը։
Նշվում է, որ միևնույն ժամանակ Ռուսաստանի եկամուտները նավթային արտահանումից կտրուկ նվազել են անցյալ տարվա համեմատ։ Այս մասին ասվում է Փարիզում տեղակայված Միջազգային էներգետիկ գործակալության (IEA) հրապարակած զեկույցում: Արևմուտքը լայն պատժամիջոցներ է սահմանել Ռուսաստանի դեմ, այդ թվում՝ նավթի և նավթամթերքի գների առավելագույն սահմանաչափը և ԵՄ-ի էմբարգոն:
Միաժամանակ, Ռուսաստանից նավթի մատակարարումների ընդհանուր ծավալը մարտին ավելացել է օրական 600 հազար բարելով՝ հասնելով 8,1 մլն բարելի։Թեև Ռուսաստանի նավթային եկամուտը մարտին աճել է 1 միլիարդ դոլարով՝ հասնելով 12,7 միլիարդ դոլարի, այն 43 տոկոսով ցածր է անցյալ տարվա համեմատ: Գործակալության փորձագետների համաձայն՝ ռուսական եկամուտների աճը պայմանավորված է նավթի արտահանման վերադարձին այն մակարդակին, որը կար մինչև կորոնավիրուսի համաճարակը։ Զեկույցում նաև նշվում է, որ մարտին Հնդկաստանը փոխարինել է Չինաստանին, որպես ռուսական նավթի մատակարարումների գլխավոր շուկա Ասիայի երկրներում։
