25.10.2026 | 23:35
Նախնական արդյունքները՝ Գեղարքունիքի մարզի երեք համայնքներից
Աբազյանն է առաջարկել Փաշինյանին ազատել ԱԱԾ սահմանապահ զորքերի հրամանատարին. ՔՊ- ական պատգամավոր․ ՏԵՍԱՆՅՈՒԹ
Քաղաքականություն
14.04.2023 | 12:22
Սահմանապահ զորքերի հրամանատար Արման Մարալչյանը ծայրագույն իրավիճակում իր առջև դրված խնդիրները կատարել է։ Խորհրդարանական ճեպազրույցների ժամանակ այս մասին հայտարարեց «Քաղաքացիական պայմանագիր» խմբակցության պատգամավոր Անդրանիկ Քոչարյանը` անդրադառնալով ԱԱԾ սահմանապահ զորքերի հրամանատարի պաշտոնից ազատվելու փաստին։
Նշենք, որ ապրիլի 12-ին հայտնի դարձավ, որ Մարալչյանն ազատվել է պաշտոնից։
«Մարալչյանը բարոյական և պրոֆեսիոնալ առումով բարձրակարգ սպա է։ Պաշտոնից ազատվելն ինչքանո՞վ է կապված Տեղ գյուղի դեպքերի հետ` ինչ-որ չափով կարող է առնչություն ունենալ կամ չունենալ, սակայն այստեղ ծառայողական քննությունը պետք է պատասխան տա։ Պաշտոնից ազատելու համար հիմք է հանդիսացել ԱԱԾ տնօրենի առաջարկը վարչապետին, ինչն էլ քննարկման առարկա չէ»,- նշեց Քոչարյանը։
Պատգամավորը հավելեց, որ հնարավոր է նաև պաշտոնների տեղաշարժ լինել ուղղակի, ինչը միտված է հետագայում սահմանապահ զորքերի և պաշտպանական գերատեսչությունների ներդաշնակ համագործակցությանը։
Քոչարյանի խոսքով՝ Մարալչյանը կադրերի ռեզերվում կլինի` հետագա պաշտոնավարման ընթացքը որոշելու համար։
Մանրամասները՝ տեսանյութում։
