25.11.2024 | 13:45
Նոր ձերբակալություն՝ Կենտրոնի թաղապետարանում. պաշտոնյան կալանավորվել է
Սամարղանդում մեկնարկել է ԱՊՀ երկրների ԱԳ նախարարների խորհրդի նիստը
Քաղաքականություն
14.04.2023 | 13:48
Սամարղանդում ընթանում է ԱՊՀ արտգործնախարարների խորհրդի հերթական նիստը։ Այն մեկնարկել է նեղ կազմով՝ կազմակերպության արտաքին գերատեսչությունների ղեկավարների բանակցությամբ, գրում է ՏԱՍՍ-ը։
«Մեր հանդիպումը բացում է 2023 թվականին ԱՊՀ շրջանակներում նախատեսված կարևոր իրադարձությունների ծրագիրը, որը խոստանում է լինել շատ հագեցած: Մեր առջևում մեծ խնդիրներ կան, էլ ավելի համատեղելով մեր ջանքերը՝ կարող ենք հասնել մեր նպատակներին»,-ասել է Ուզբեկստանի ԱԳՆ ղեկավարի պաշտոնակատար Բախտիար Սաիդովը։
Ինչպես ավելի վաղ հաղորդվել էր, արտաքին գործերի նախարարների խորհրդի նիստի նախագիծը ներառում է 11 հարց, որոնք ընդգրկում են Համագործակցության շրջանակներում համագործակցության լայն շրջանակ:
Անկախ Պետությունների Համագործակցությունը ստեղծվել է 1991 թ. դեկտեմբերին, ԽՍՀՄ փլուզումից հետո։ Համագործակցությանն անդամակցում են Ռուսաստանը, Բելառուսը, Հայաստանը, Ադրբեջանը, Ղազախստանը, Ղրղզստանը, Մոլդովան, Տաջիկստանը, Թուրքմենստանը և Ուզբեկստանը։ Այս տարի ԱՊՀ-ում նախագահող երկիրը Ղրղզստանն է։
Տաթև Ֆռանգյան
